Sembulo 18:20 - Siswati 1996 Bible

Jabulani, nitfokote, nine mazulu. Jabulani nani labangcwele, nani baphostoli, nani baphrofethi; ngobe Nkulunkulu sewuyehlulele iBhabhulona, waniphindziselela kuyo!

Sembulo 18:20 Referencias Cruzadas

Tihlabelelo 107:42

Labacotfo bayakubona loku bajabule, kodvwa bonkhe lababi bayathula.

Tihlabelelo 109:28

Bona bangangicalekisa, kodvwa wena utangibusisa. Shangatsi labangihlaselako bangehluleka, shangatsi mine, nceku yakho, ngingatfokota.

Tihlabelelo 18:47

UnguNkulunkulu longiphindziselelako, lotsambisa tive ngaphansi kwami.

Tihlabelelo 48:11

Shangatsi ingajabula iNtsaba iSiyoni! Shangatsi bantfu bakaJuda bangatfokota, ngenca yetehlulelo takho.

Tihlabelelo 58:10

Labalungile bayawujabula nababona kuphindziselwa kwalababi, bayawuklabhuta ngetinyawo tabo engatini yalababi.

Tihlabelelo 94:1

Yebo, Simakadze, nguwe Nkulunkulu wemphindziselo! Wena unguNkulunkulu wekuphindzisela. Phumela ebaleni ukhanye.

Taga 11:10

Nakuchuma bantfu labalungile, takhamiti telidolobha labo tiyatsakasa; kantsi nakufa lomubi, wonkhe umuntfu uyajabula.

Isaya 26:21

Bukani, Simakadze uphumela ngephandle kwendzawo yakhe yekuhlala, utewujezisa tive temhlaba ngenca yetono tato. Umhlaba utawuveta ebaleni yonkhe ingati leyacitsekela kuwo, lababulewe kuwo ungeke usabafihla.

Isaya 44:23

Hlabelani ngekujabula, nine mazulu, ngobe loku kwentiwe nguSimakadze; memetani kakhulu, nine tindzawo temhlaba letijulile. Hlokomani ngengoma, nine tintsaba, nine mahlatsi, nato tonkhe tihlahla tenu. ngobe Simakadze sewuhlenge Jakobe, ubonakalisa bukhosi bakhe ka-Israyeli.

Isaya 49:13

Memetani ngenjabulo, mazulu! Tsakasa, nawe mhlaba! Klabalazani nihlabele, nani tintsaba! Ngobe Simakadze uyabadvudvuta bantfu bakhe, futsi uyawuba nesihawu kulabo labadzabukisiwe bakhe.

Zefaniya 3:15

Simakadze usisusile sijeziso sakho, watincandzekisa netitsa takho. Simakadze, iNkhosi yaka-Israyeli, inawe; ungeke uphindze wesabe nome nguyiphi ingoti.

Kubase-Efesu 2:20

Lendlu yakhelwa etikwesisekelo sebaphostoli nebaphrofethi; Jesu Khristu lucobo ulitje lelisimise lendlu.

Kubase-Efesu 3:5

Bonkhe bantfu abazange bayatiswe etitukulwaneni letinye, njengaloku nyalo seyembulwe ngaMoya kubaphostoli bakhe labangcwele nakubaphrofethi.

Kubase-Efesu 4:11

Nguye futsi lowapha labanye kutsi babe baphostoli, labanye babe baphrofethi, labanye babe bavangeli, labanye babe belusi, labanye babe bafundzisi.

Dutheronomi 32:42

Imicibisholo yami ngiyakuyenta idzakwe yingati, ngesikhatsi inkemba yami idla inyama, ingati yalabagwaziwe nalabatfunjiwe, tinhloko tebaholi betitsa.’ ”

2 yaPhetro 3:2

nikhumbule emavi lakhulunywa kwakucala baphrofethi labangcwele, nikhumbule nemyalo weNkhosi neMsindzisi lenafundziswa wona baphostoli benu.

YaJuda 1:17

Noko, bazalwane bami, khumbulani loko lokwashiwo yiNkhosi Jesu ngebaphostoli bakhe.

Sembulo 12:12

Tfokotani-ke, nine mazulu, nani lenihlala kuwo! Kodvwa maye kuwe, mhlaba nelwandle, ngobe Mhlebi sewehlele kini ngentfukutselo lenkhulu, ngobe uyati kutsi sikhatsi sakhe sesifishane!”

Sembulo 18:6

Yiphatseni njengobe beyibaphetse labanye, nibuyisele kuyo ngalokuphindziwe, kuye ngemisebenti yayo. Nigcwalise indzebe yayo ibe nemandla ngalokuphindziwe kuloko leyakwenta kini.

Sembulo 6:10

Bamemeta kakhulu, ngelivi lelikhulu, batsi: “Nkhosi Somandla, longcwele naloliciniso, kuyawudzimate kube ngunini ungehluleli uphindzisele ingati yetfu kulabo labahleti emhlabeni?”

Tikhulu 5:31

“Yebo, Simakadze, shangatsi tonkhe titsa takho tingabhubha. Kodvwa labo labatsandza wena bangakhanya njengelilanga naliphumako ngemandla alo.” Live laba nekuthula iminyaka lengema-40.