Bonkhe labo bebangafuni kufuna Simakadze, Nkulunkulu wema-Israyeli, bebatakubulawa, labancane nalabakhulu, emadvodza nebafati.
Sembulo 13:16 - Siswati 1996 Bible Lesilo saphocelela bonkhe labancane nalabakhulu, ticebi netimphuya, labakhululekile netigcili, kutsi babekwe luphawu ngulowo nalowo esandleni sakhe sangesekudla nome ebuntini. |
Bonkhe labo bebangafuni kufuna Simakadze, Nkulunkulu wema-Israyeli, bebatakubulawa, labancane nalabakhulu, emadvodza nebafati.
longakhetsi ngisho nakuto tikhulu, ngisho nakulabanjingile nalabamphofu, ngobe phela bonkhe bangumsebenti wetandla takhe?
Lomkhosi uyawufanana nesibonakaliso lesiboshelwe esandleni sakho nesikhumbuto lesinanyatsiselwe ebuntini lakho. Loko kuyawunikhumbuta kutsi umtsetfo waSimakadze niwati ngenhloko nikhulume ngawo, ngobe Simakadze wanikhipha eGibhithe ngesandla sakhe lesinemandla.
watsi kuyo: “Lihlamahlame lonkhe lidolobha laseJerusalema, ubeke luphawu emabuntini abo bonkhe labakhatsatekile babubula ngenca yato tonkhe letintfo letinengekako letentiwa lapha kulo.”
Nangabe abutwa ngumuntfu, atsi: ‘Pho, lamanceba lasemtimbeni wakho ngewani?’ uyawuphendvula atsi: ‘Lamanceba ngawatfola endlini yebangani bami.’ ”
Kodvwa kuze kube ngulamuhla Nkulunkulu usangisitile. Ngako-ke namanje lo ngime la ngifakaza kubo bonkhe bantfu, labancane nalabakhulu, hhayi lokunye, kodvwa kona loko lokwashiwo baphrofethi naMosi kutsi kuyakwenteka,
Ngobe ngaMoya munye tsine sonkhe sabhajatiswa kutsi sibe ngumtimba munye, nome singemaJuda nome singemaGriki, nome sitigcili, nome singulabakhululekile, tsine sonkhe sanatsiswa Moya munye.
Kute umJuda nemGriki, kute sigcili nalokhululekile, kute lomdvuna nalomsikati, nonkhe nimunye kuKhristu Jesu.
Nati kutsi, konkhe lokuhle lakwentako umuntfu uyakwemukela lokunjalo eNkhosini, nome usigcili nome ukhululekile.
“Lamavi ami niyakuwagcina etinhlitiyweni tenu, niwanamatselise nasetingcondvweni tenu, niyakuwabophela abe luphawu etandleni tenu, abe ngimihlobiso yemabunti enu.
Kulabanjalo kute umehluko emkhatsini wemGriki nemJuda, walosokile nalongakasoki, wetive nemSikithi, sigcili nalokhululekile, kodvwa Khristu ungiko konkhe, futsi ukubo bonkhe.
Njengobe boJanesi naJambresi bamelana naMosi, nabo-ke labantfu bamelene neliciniso, babantfu labanengcondvo leyonakele netehluleki ekukholweni.
Tive tatfukutsela, kepha kwefika lulaka lwakho kanye nesikhatsi sekwehlulelwa kwalabafile. Kwefika nekuniketwa imivuzo etisebentini takho, nakubaphrofethi kanye nakulabangcwele, nakulabo labesaba libito lakho, kulabakhulu nakulabancane. Kwefika nekubhujiswa kwebabhubhisi bemhlaba.”
Ngabona shangatsi lwandle lolusangilazi, luhlanganiswe nemlilo. Labo lababehlule silo, nemfanekiso waso, nenombolo yelibito laso, babeme ngakulo lolwandle lolusangilazi, baphetse emahabhu aNkulunkulu etandleni tabo.
Wotani nitewudla inyama letidvumbu temakhosi, netetindvuna, netemadvodza lanemandla, netemahhashi kanye netebagibeli bawo, netabo bonkhe bantfu, labakhululekile netigcili, labancane nalabakhulu.”
Kodvwa lesilo satfunjwa, kanye nemphrofethi wemanga labenta tibonakaliso tekudukisa labo labaneluphawu lwesilo nalabasikhonta ngekukhotsamela lomfanekiso waso. Bobabili bajikijelwa baphila echibini lemlilo lelivutsa sibabule.
Kwevakala livi liphuma esihlalweni sebukhosi litsi: “Dvumisani Nkulunkulu wetfu, nonkhe nine tinceku takhe, nine labancane nani labakhulu lenimesabako.”
Ngabona labafile, labakhulu nalabancane, beme embikwaso lesihlalo sebukhosi. Tincwadzi tavulwa. Nalenye incwadzi yavulwa, incwadzi yekuphila. Labafile behlulelwa ngekwemisebenti yabo, ngaloko lokwakubhalwe etincwadzini.
Ngase ngibona tihlalo tebukhosi, labo bebahleti kuto banikwa emandla ekwehlulela. Ngabona nemiphefumulo yalabo bebancunywe tinhloko ngenca yekufakaza kwabo ngaJesu, nangenca yekushumayela kwabo livi laNkulunkulu. Abazange bavume kusikhonta lesilo nome umfanekiso waso, abazange balwemukela neluphawu lwaso emabuntini abo nasetandleni tabo. Bavuka ekufeni, babusa naKhristu iminyaka leyinkhulungwane.
Onkhe emakhosi emhlaba, netikhulu, netindvuna, nalabacebile, nalabanemandla, nabo bonkhe labatigcili, nalabakhululekile, babhaca emigedzeni nasemihumeni emkhatsini wemadvwala etintsaba.
yatsi: “Ningawulimati umhlaba, nome lwandle, nome tihlahla, singakatibeki luphawu emabuntini tisebenti taNkulunkulu wetfu.”