Nangabe bafundze kahle tindlela tebantfu bami base bafunga ngeLibito lami, batsi: ‘Ngifunga kuphila kwaSimakadze,’ njengaloku bake bafundzisa bantfu bami kutsi bafunge ngaBhali, bayawube sebayahlaliswa emkhatsini wesive sami.
Ruthe 3:13 - Siswati 1996 Bible Sale ulala kwalamuhla. Kusasa ekuseni ngitawuvukela kuye ngalendzaba. Nangabe uyavuma kukungena, kutabe kulungile. Kodvwa nangabe akafuni, ngetsembisa phambi kwaSimakadze kutsi ngitakungena mine. Ngako lala kuze kuse.” |
Nangabe bafundze kahle tindlela tebantfu bami base bafunga ngeLibito lami, batsi: ‘Ngifunga kuphila kwaSimakadze,’ njengaloku bake bafundzisa bantfu bami kutsi bafunge ngaBhali, bayawube sebayahlaliswa emkhatsini wesive sami.
nawungafunga futsi kimi ngekweliciniso nangekulunga, utsi: ‘Ngifunga kuphila kwaSimakadze,’ tive-ke tiyawubusiswa ngaye tidvumise kuye futsi.”
Ngibita Nkulunkulu kutsi abe ngufakazi wami wekutsi mine ngangisita nine ngekungaphindzi kwami ngite eKhorinte.
Nangabe umuntfu afunga, usebentisa libito lalomunye lomkhulu kunaye. Sifungo siyacinisa, sicedze kuphikisana kwebantfu.
Gideyoni wabaphendvula, watsi: “Lawo madvodza bekubomnaketfu, kungemadvodzana amake longitalako. Ngifunga kuphila kwaSimakadze, kube anibabulalanga, nami-ke bengingeke nginibulale.”
Nawomi watsi kumalukatane wakhe: “Shangatsi Simakadze lonemusa kulabaphilako nalabafile angambusisa.” Wachubeka watsi: “Lomuntfu usihlobo setfu sengati, ungulomunye walabo labafanele kusinakekela.”
Yebo, kuliciniso kutsi ngisihlobo sakho sengati, noko sikhona lesisedvute kakhulu kuwe kunami.
Bowazi wakhuluma watsi: “Kulungile-ke, kodvwa mhlazana utsenga lendzawo kuNawomi, kufanele ungene naRuthe, longumMowabi, umfelokati wemufi, khona utewuvusela umufi ligama.”
Lendvodza yaphendvula yatsi: “Cha, nakunjalo, ngingeke ngiyitsenge lendzawo, ngobe phela loko kutawusho kutsi lendzawo ingeke ibe lifa lebantfwabami. Yitsenge wena, mine ngingeke ngikhone kuyitsenga.”