Numeri 35:12 - Siswati 1996 Bible Ayawuba tindzawo tekukhosela ekubalekeleni umphindziseli, khona kutewutsi lona lobulele angetikufa asengakalitfoli litfuba lekutsi licala lakhe litekwe ebandla. |
Manje lonkhe lusendvo seluvukele incekukati yakho, lutsi: ‘Letsa lona lowabulala umnakabo, kuze sitekumbulala ngenca yekubulala lomnakabo, ngekwenta njalo sitawube sesibulala lendlalifa.’ Ngalendlela batawube sebacisha lelo lahle belisasele livutsa, loko kwente indvodza yami ibete libito, iphindze ibete situkulwane emhlabeni.”
Lena-ke yindzaba yemuntfu lobulele lomunye wase ubalekela khona kuyawusindzisa kuphila kwakhe, lowo lobulele makhelwane wakhe angakacondzi, futsi lobekangesiso sitsa sakhe.
Ngaphandle kwaloko umphindziseli losihlobo sengati semufi lofuna kumbulala, kungenteka amcoshe aze amkhandze, nangabe libanga lilidze kakhulu, bese uyambulala, nome ngabe abengakafaneli kubulawa, ngobe lomakhelwane wakhe amfele ngesiphosiso.
“Tjela ema-Israyeli kutsi akakhetse lamanye emadolobha ekukhosela, njengobe ngasho ngaMosi,
Nakwenteka um-Israyeli nome wetive lohlala emkhatsini wabo abulala lomunye umuntfu ngesiphosiso angakacondzi, abengabalekela kulamadolobha lakhetsiwe, angabe asabulawa ngulomphindziseli, losihlobo sengati salowo lambulele, licala lakhe lisengakatekwa ebandla.