Numeri 31:8 - Siswati 1996 Bible

Babulala ngisho nemakhosi lasihlanu akaMidiyani, bo-Evi, naRekhemu, naSuri, naHure, naReba. Babulala ngisho naBhalamu, umsa waBheyori, ngelusiko lwenkemba.

Numeri 31:8 Referencias Cruzadas

Tihlabelelo 10:2

Ngekuchosha kwalomubi, lomphofu uyahlupheka. Lomubi akabanjwe elugibeni lalwetsiyile.

Tihlabelelo 9:16

Simakadze sewutibonakalisile, wakhipha sigwebo sakhe, lababi babanjwa ngumsebenti wetandla tabo. Cabanga.

Taga 11:3

Kwetsembeka kungumcondzisi walabacotfo; kodvwa bucili buyabacitsa labangaketsembeki.

Taga 13:17

Sitfunywa lesingetsembeki sibanga tinhlupheko; kantsi lincusa leletsembekile liletsa kuphila.

Habakhuki 3:7

Ngabona emathende aseKushani aselusizini, nemakhaya akaMidiyani ayatfutfumela.

Numeri 22:10

Bhalamu waphendvula Nkulunkulu, watsi: “Bhalaki, umsa waSiphori, inkhosi yakaMowabi, utfumele kimi umbiko lotsi:

Numeri 22:4

BakaMowabi bakhuluma nebaholi bakaMidiyani, batsi: “Lesicumbi sebantfu sitawudla konkhe lesinako, njengenkhomo idla luhlata lwesiganga.” Ngako Bhalaki, umsa waSiphori, labeyinkhosi yakaMowabi ngaleso sikhatsi,

Numeri 22:5

watfumela tigijimi kutsi tiyewumbitela Bhalamu, umsa waBheyori, labesePhethori ngasemfuleni iYufrathe, eveni laka-Amawu; tafike tatsi kuye: “Kunesive lesaphuma eGibhithe lesesigcwele umhlaba wonkhe, manje sesize semisa nalapha eceleni kwelive lami.

Numeri 23:10

Ngubani longabala lutfuli lwaJakobe, nome abale incenye yesive saka-Israyeli? Angimane ngife kufa kwalolungile, shangatsi nesiphetfo sami singaba njengesabo.”

Numeri 24:14

“Sengiyancandzeka ngibuyela eveni lakitsi, kodvwa kota lapha ngikutjele kutsi yini letakwentiwa ngulesive kulesive sakho kulamalanga letako.”

Numeri 24:25

Bhalamu wesuka wancandzeka wabuyela eveni lakubo, naBhalaki watsatsa yakhe indlela.

Numeri 25:15

Libito lalona lomsikati bekunguKhozibi, indvodzakati yaSuri, sikhulu semndeni lotsite wesive semaMidiyani.

Numeri 25:18

ngobe naso saniphatsa njengetitsa, ngesikhatsi siniyenga ngalendzaba yasePheyori, nangenca yadzadzewabo, Khozibi, labeyindvodzakati yemholi wesive semaMidiyani. Khozibi nguye lona lowafa ngekubulawa, nakufika lesishayo sasePheyori.”

Numeri 31:16

Ngibo laba labalandzela teluleko taBhalamu, bekungubona bashushisi labebacondze kwedukisa ema-Israyeli kutsi ahlubuke kuSimakadze kulentfo leyenteka ePheyori, kuze lulaka lwehlele sive saSimakadze.

Numeri 31:9

Ema-Israyeli ahlasela emaMidiyani atfumba bafati bawo kanye nebantfwana, nemfuyo yawo yonkhe, nekudla kwawo, nato tonkhe timphahla.

2 yaPhetro 2:15

Bashiye indlela lecondzile bedukela endleleni yaBhalamu, umsa waBheyori, lowatsandza umvuzo lomubi.

YaJuda 1:11

Maye kubo, ngobe bahamba ngendlela yaKhayini; bagijimela ekwedukeni kwaBhalamu ngenca yemvuzo; bahlubukile njengaKhora, nabo babhubha.

Sembulo 19:20

Kodvwa lesilo satfunjwa, kanye nemphrofethi wemanga labenta tibonakaliso tekudukisa labo labaneluphawu lwesilo nalabasikhonta ngekukhotsamela lomfanekiso waso. Bobabili bajikijelwa baphila echibini lemlilo lelivutsa sibabule.

Sembulo 2:14

Kodvwa tsine nawe sehlukana la ekutseni kusenebantfu labanemfundziso yaBhalamu emkhatsini wenu. Phela Bhalamu wafundzisa Bhalaki kutsi abekele baka-Israyeli lugibe, ngekubadlisa kudla lokunikelwe etithicweni, wabafundzisa kuphinga nebugwadla.