Numeri 31:23 - Siswati 1996 Bible

nako konkhe lokungamelana nemlilo kufanele kufakwe emlilweni, khona kutewuhlanteka. Kodvwa nako kuyadzinga kutsi kuhlanjululwe ngemanti enhlambuluko. Konkhe lokungasha emlilweni kufanele kufakwe kulawo manti ekuhlambulula.

Numeri 31:23 Referencias Cruzadas

Eksodusi 19:10

Simakadze wakhuluma kuMosi, watsi: “Buyela kubantfu ubatjele kutsi batihlambulule lamuhla nakusasa, bageze tingubo tabo;

Eksodusi 19:14

Mosi wehla entsabeni waya kubantfu, wafike wabahlambulula, base bageza tingubo tabo.

Isaya 43:2

Nawudzabula ekhatsi emantini, mine ngitawuba nawe; nanawudzabula ekhatsi emifuleni, ingeke ikukhukhule. Nawuhamba udzabula ekhatsi emlilweni, ngeke ushe, emalangabi ngeke akulumekele.

Levithikusi 11:32

Yonkhe intfo lekuwele kuyo nome ngusinye saletilwane nasifile, leyontfo iyawuba ngulengcolile: nome ngabe leyontfo yentiwe ngelukhuni nome ngendvwangu yemasaka, konkhe lokusetjentiselwa nome yini, kufanele kwenyiwe emantini; kuyawuba ngulokungcolile kuze kuhlwe, emvakwaloko-ke bese kuyahlanteka.

Levithikusi 15:17

Yonkhe imphahla leyentiwe ngendvwangu nome ngesikhumba lesitselwe ngulesidvodza, kufanele kugezwe, kutawungcola kuze kuhlwe.

Zakhariya 13:9

Lencenye yesitsatfu ngiyakuyimikisa emlilweni, ngibacenge njengesiliva, ngibahlolisise njengegolide. Bayakulibita Libito lami, bese mine ngiyabaphendvula; ngiyawutsi: ‘Bona babantfu bami;’ nabo batsi: ‘Simakadze nguNkulunkulu wetfu.’ ”

Numeri 19:17

“Macondzana nalabangcolile ngekwemtsetfo uyawutsatsa umlotsa wemnikelo wesono utsele kuwo emanti lahlobile esitjeni.

Numeri 19:9

“Kuyawutsi umuntfu lohlantekile kube nguyena abutsa lomlotsa walelitfokati ayewulahla ngephandle kwenkambu endzaweni lehlobile ngekwemtsetfo, uhlaliswe lapho, uhlalele kutsi sive sema-Israyeli siwusebentise emantini ekuhlambulula nasitewugeza sono ngawo.

Numeri 31:22

Igolide, nesiliva, nelitfusi, nensimbi, nemfimfi, nemtfofu,

Numeri 31:24

Ngelilanga lesikhombisa niyawugeza timphahla tenu, bese niba ngulabahlambululekile. Emvakwaloko-ke seningangena enkambu.”

Numeri 8:7

Kufanele uwahlambulule kanje: Wafafate ngemanti ekuhlambulula, bese ahhula wonkhe umtimba, ageze timphahla tawo, atawube asayahlanteka.

Matewu 3:11

“Mine nginibhabhatisa ngemanti, kubonakalisa kuphendvuka; kepha lona longilandzelako unemandla kakhulu kunami, mine lengingakafaneli nekutsi ngingaphatsa tincabule takhe; yena utawunibhabhatisa ngaMoya Longcwele nangemlilo.

1 kubaseKorinthe 3:13

Kepha umsebenti walowo nalowo uyawuvela ebaleni; ngobe lilanga leNkhosi liyakuwuhlakata liwembule ngemlilo. Yebo, kuyawuhlolwa ngemlilo kutsi umsebenti walowo nalowo unjani.

Kubase-Efesu 5:26

kuze atelingcwelisa alihlambulule ngesigezo semanti, ngelivi,

1 yaPhetro 1:7

Injongo yaletilingo kutsi kukholwa kwenu kuvivinywe, kuze kubonakale bungiko bako. Ngisho negolide lebhubhako ihlolisiswa ngemlilo bungiyo bayo, kanjalo-ke nekukholwa kwenu lokuligugu kunegolide kufanele kutsi kuvivinywe bungiko bako. Khona-ke niyawutfola kubongwa, nebukhosi, neludvumo ekwembulweni kwaJesu Khristu.

1 yaPhetro 3:21

Emanti wona emele umbhabhatiso. Umbhabhatiso awusiwo wekususa insila yemtimba, kodvwa wekucela nembeza lomsulwa kuNkulunkulu. Lombhabhatiso uyanisindzisa ngekuvuka kwaJesu Khristu ekufeni.

1 yaPhetro 4:12

Batsandzekako, ningamangaliswa ngulokuvivinywa lokubuhlungu kakhulu lokunikhantingako, kube shangatsi nehlelwa yintfo lengakavami.

Sembulo 3:18

Ngako-ke ngiyakuyala kutsi utsenge kimi igolide lelolongwe ngemlilo, khona utewuceba, utsenge tingubo letimhlophe tekwembatsa, khona utewufihla bungcunu bakho kutsi bungabonakali, utsenge nemutsi wekugcobisa emehlo akho kutsi ubone.