Numeri 16:15 - Siswati 1996 Bible

Mosi watfukutsela wabila, watsi kuSimakadze: “Ungawemukeli umnikelo wabo. Angizange ngitsatse ngisho imbongolo kubo, futsi angikoni ngisho nome munye wabo.”

Numeri 16:15 Referencias Cruzadas

2 Samuweli 22:22

ngobe imiyalo yaSimakadze ngiyigcinile. Angikenti lutfo lolubi, angikamfulatseli Nkulunkulu wami.

Eksodusi 32:19

Watsi kube Mosi asondzele enkambu, abone lelitfole nebantfu bagidza, watfukutsela wabilelana. Letibhelekeca labetetfwele watilahla phansi, tephukela khona lapho phansi kwentsaba.

Taga 21:27

Imihlatjelo lenikelwa bantfu lababi isinengiso, ikakhulu nayinikelwe ngetinjongo letimbi.

Numeri 12:3

Mosi bekangumuntfu lotfobekile kwendlula wonkhe umuntfu labekhona emhlabeni.

Numeri 16:16

Mosi watsi kuKhora: “Wena nebalandzeli bakho bonkhe nimele nibonakale embikwaSimakadze kusasa lolokusako, na-Aroni uyawube akhona lapho.

Matewu 5:22

Kepha mine ngitsi kini: Lowo lotfukutselela umnakabo, uyawulahlwa licala; nalowo lowetfuka umnakabo, uyakuba nelicala emtsetfweni; nalowo lotsi kumnakabo: ‘Silima,’ uyawufanelwa ngumlilo wesihogo.

Makho 3:5

Wabatsi cala cala, acansukile, wadzabuka ngobe tinhlitiyo tabo tatilukhuni, tinenkhani, wase utsi kulomuntfu: “Yelula sandla sakho!” Waselula, saphila.

1 kubaseKorinthe 9:15

Kepha mine angiwasebentisanga lawo malungelo, futsi loko angikubhaleli kutsi kwentiwe kimi. Ngobe kimi kungaba ncono kutsi ngife kunekutsi ngemukeke ludvumo lwami lengilufanele.

2 kubaseKorinthe 1:12

Kutibonga kwetfu kunye, kutsi nembeza wetfu umhlophe embikwebantfu, ikakhulu kini. Ekutiphatseni kwetfu besimsulwa sesaba Nkulunkulu ngeliciniso, hhayi ngekuhlakanipha kwetfu, kepha ngemusa waNkulunkulu.

2 kubaseKorinthe 7:2

Semukeleni ngenhlitiyo lemhlophe. Kute lesamona, kute lesamphatsa kabi, kute nalesamphamba.

Kubase-Efesu 4:26

Tfukutselani, kodvwa ningoni; lilanga lingashoni solomane nitfukutsele.

1 kubaseThesalonika 2:10

Nine naNkulunkulu nibofakazi betfu bekutsi indlela lesasitiphetse ngayo emkhatsini wenu nine labakholwako yayingcwele, ilungile ingenasici.