Numeri 10:12 - Siswati 1996 Bible

Sive sema-Israyeli satfutsa eHlane laseSinayi, siphuma ngeticheme taso. Lifu lahamba laze layakuma eHlane lasePharani.

Numeri 10:12 Referencias Cruzadas

Genesisi 14:6

nemaHori entsabeni yawo iSeyiri, kwadzimate kwaba ngu-Eli Pharani ngasehlane.

Genesisi 21:21

Ngesikhatsi ahlala ehlane lasePharani, unina wamtsatsela umfati labengumGibhithe.

1 Emakhosi 11:18

Besuka kulakaMidiyani bacondza ePharani. Batsatsa emadvodza ePharani, bahamba nawo baya eGibhithe kuFaro, inkhosi yaseGibhithe. Faro wanika Hadadi indlu nemhlaba, wamupha nekudla.

Eksodusi 13:20

Batfutsa eSukhothi bemisa e-Ethamu, emnyeleni welihlane.

Habakhuki 3:3

Nkulunkulu uchamuka eThemani, Longcwele wesuka eNtsabeni iPharani. Cabanga. Inkhatimulo yakhe isibekela emazulu, ludvumo lwakhe lugcwalisa umhlaba.

Numeri 1:1

Simakadze wakhuluma kuMosi asethendeni lekuhlangana eHlane laseSinayi ngelilanga lekucala, enyangeni yesibili, emnyakeni wesibili ema-Israyeli aphuma eGibhithe, watsi:

Numeri 10:33

Satsi sive sema-Israyeli nasisuka eNtsabeni yaSimakadze, satsatsa emalanga lamatsatfu sihamba. Libhokisi lesivumelwane saSimakadze lalihamba embikwabo ngawo onkhe lawo malanga lamatsatfu, libabukela indzawo lapho kwakufanele baphumule khona.

Numeri 12:16

Emvakwaloko sive satfutsa eHaserothi sayakumisa eHlane lasePharani.

Numeri 13:26

Befika kuboMosi, na-Aroni kanye nesive sonkhe sema-Israyeli eKhadeshi, eHlane lasePharani. Befika bababikela kanye nesive sonkhe, badzimate babakhombisa netitselo talelo live.

Numeri 13:3

Ngako-ke Mosi wenta njengobe abeyalwe nguSimakadze, wabatfuma aseseHlane lasePharani. Onkhe lamadvodza abebaholi bema-Israyeli.

Numeri 2:34

Ngako-ke ema-Israyeli akwenta konkhe Simakadze labeyale Mosi kutsi akwente. Akamba onkhe ngulowo nalowo ngaphansi kwesiboniso sebuve bakhe; baphuma bahamba. Wonkhe umuntfu wangena emndenini wakhe naselusendvweni lwakubo.

Numeri 9:1

Simakadze wakhuluma kuMosi eHlane laseSinayi ngenyanga yekucala, emnyakeni wesibili kusukela ema-Israyeli aphuma eGibhithe, watsi:

Numeri 9:17

Kwakutsi nangabe lifu liphakama etikwelithende, ema-Israyeli atfutse, litsi lapho lima khona, ema-Israyeli nawo emise khona.

Numeri 9:5

avele akwenta loko eHlane laseSinayi kusihlwa ngelilanga leli-14 enyangeni yekucala. Ema-Israyeli akwenta konkhe loko njengobe Simakadze abeyale Mosi.

Dutheronomi 1:1

Lawa-ke ngemavi aMosi lawakhuluma kuso sonkhe sive sema-Israyeli basesehlane ngasemphumalanga nemfula iJordane, e-Arabha, macondzana neSufi, emkhatsini wePharani neThofeli, neLabani, neHaserothi, neDizahabi.

Dutheronomi 1:19

“Satfutsa eHorebe, njengobe Simakadze Nkulunkulu wetfu abesiyalile, sacondza ngasetintsabeni, eveni lema-Amori, sadzabula lonkhe lelo hlane lelesabekako lesenilibonile, saze sefika eKhadeshi Bhaneya.

Dutheronomi 1:7

Tfutsani, nichubekele etintsabeni tema-Amori, nakuto tonkhe leto tive letisedvutane, tase-Arabha, naletisetintsabeni, naletingaphansi kwetintsaba ngasenshonalanga, naletiseNegevu, lekuyiningizimu yelive, naletigudla lwandle, eveni lemaKhenani kuya kulaseLebanoni, kufike ngisho nasemfuleni lomkhulu iYufrathe.

Dutheronomi 33:2

Wakhuluma watsi: “Simakadze wachamuka eSinayi, kwasa kitsi nakavela eSeyiri, wakhanya aseNtsabeni iPharani. Wefika achamuka etinkhulungwaneni talabangcwele, weta kuvutsa umlilo ngasesandleni sakhe sangesekudla.

1 Samuweli 25:1

Samuweli wafa, kwatsi sonkhe sive sema-Israyeli seta, sahlangana ndzawonye, satakumlilela. Wangcwatjwa ekhaya lakhe, eRama. Davide wase uyehla waya eHlane laseMayoni.