Nehemiya 6:9 - Siswati 1996 Bible

Bonkhe babetama kusesabisa bacabanga batsi: “Tandla tabo titawuba butsakatsaka tingabe tisasebenta, lomsebenti ungabe usaphela.” Kodvwa ngathandaza ngatsi: “Nkulunkulu, cinisa tandla tami.”

Nehemiya 6:9 Referencias Cruzadas

2 Tikhronike 15:7

Kodvwa nine cinani, ningalilahli litsemba, ngobe umsebenti wenu utakuba nemvuzo.”

2 Tikhronike 32:18

Base bayamemeta ngesiHebheru, bakhuluma kulabantfu baseJerusalema lababesetulu elubondzeni, babesabisa, betama kubetfusa, khona batewukhona kutfumba lelidolobha.

Ezra 1:6

Bonkhe bomakhelwane babo babasita ngetintfo tesiliva, netegolide, nangetimphahla, nangetifuyo, nangetipho letiligugu kanye nangeminikelo yesihle.

Nehemiya 6:14

Ngathandaza ngatsi: “Nkulunkulu wami, khumbula boThobiya naSanbalati ngenca yaloko labakwentile; ukhumbule nalomphrofethikati Nohadiya, kanye nalabanye babetama kungesabisa.”

Tihlabelelo 138:3

Ngatsi nangikhala kuwe, wangiva wangiphendvula, wanginika sibindzi ngekungicinisa.

Tihlabelelo 56:3

Mhlazana ngifikelwa kwesaba ngiyawubeka litsemba lami kuwe.

Tihlabelelo 68:35

Uyesabeka, Nkulunkulu, endzaweni yakho lengcwele. Nkulunkulu wema-Israyeli, nguwe lonika bantfu emandla nekucina. Akadvunyiswe Nkulunkulu!

Tihlabelelo 71:1

Awu, Simakadze! Ngikhosela kuwe, ungavumi ngijabhiswe nakanye.

Isaya 40:29

Ubapha emandla labo labakhatsele, awandzise emandla alababutsakatsaka.

Isaya 41:10

Ngako-ke ungesabi, ngobe mine nginawe; ungajabhi, ngobe mine nginguNkulunkulu wakho. Ngitakucinisa ngikusite, ngiyakukubamba ngesandla sami sekudla lesilungile.

Jeremiya 38:4

Tiphatsimandla takhuluma enkhosini, tatsi: “Lomuntfu kufanele abulawe. Utsela emanti emadvolweni emasotja lasele kulelidoloba, nakuwabo bonkhe bantfu, ngaletintfo latishoko kubo. Lomuntfu akacondzi lokuhle ngalabantfu, kodvwa ubafisela lokubi.”

Hezekeli 30:24

Ngiyakuyicinisa imikhono yenkhosi yaseBhabhulona, ngifake inkemba yami esandleni sayo, kodvwa yona imikhono yaFaro ngiyakuyigamula. Uyawububula embikwenkhosi yaseBhabhulona njengemuntfu phaca logwaziwe.

Zakhariya 10:12

Baka-Israyeli ngiyawubacinisa kuSimakadze, nabo bayawuhamba kulo Libito lakhe,” kusho Simakadze.

2 kubaseKorinthe 12:9

Kodvwa iNkhosi yatsi kimi: “Umusa wami ukwanele wena, ngobe emandla ami abonakaliswa aphelele ebutsakatsakeni.” Ngako-ke ngitawutigabatisa kakhulu ngebutsakatsaka bami, kuze phela emandla aKhristu atewuhlala kimi.

Kubase-Efesu 3:16

kuze ngekwengcebo yebukhosi bakhe aniphe kuciniseka emandleni kumuntfu wangekhatsi ngaMoya wakhe.

Kubase-Efesu 6:10

Kwekugcina, cinani eNkhosini nasemandleni ayo lamakhulu.

KubaseFiliphi 4:13

Nginemandla ekwenta konkhe ngaye Khristu longicinisako.

KumaHebheru 12:12

Ngako-ke cinisani tandla tenu letibutsakatsaka nemadvolo enu lacekako;

1 yaPhetro 5:10

Emvakwekuhlupheka kwalesikhashana Nkulunkulu wemusa wonkhe, lowanibitela kutsi nihlanganyele naKhristu ebukhosini baphakadze, yena matfupha uyawuniphelelisa, anakhe anicinise, anitintise.

1 Samuweli 30:6

Davide wadzabuka kakhulu, ngobe lamadvodza abesakhuluma ngekumgcoba ngematje. Ngulowo nalowo abemunyu emoyeni wakhe ngemadvodzana nangemadvodzakati akhe. Kodvwa Davide watfola emandla kuSimakadze Nkulunkulu wakhe.