Nehemiya 4:5 - Siswati 1996 Bible

Ungacali ulimbonye licala labo, futsi ungatesuli tono tabo embikwakho, ngobe bajikijele labakhi ngetinhlamba emehlweni.”

Nehemiya 4:5 Referencias Cruzadas

2 Samuweli 17:2

Ngitamkhandzanisa nyalo asedziniwe, futsi ajabhile; ngimetfuse, lonkhe lelibutfo lakhe litawubhedvuka, libaleke. Ngitawubulala lenkhosi kuphela,

Nehemiya 4:6

Ngako sachubeka salwakha kabusha lolubondza, lwaze lwaphakama lwabasekhatsi nendzawo yebudze balo nase luphelele, ngobe bantfu babenenhlitiyo yekusebenta.

Tihlabelelo 109:14

Shangatsi Simakadze angakhumbula bubi baboyise, nesono senina singete sesulwa.

Tihlabelelo 51:1

Ngihawukele, Nkulunkulu, ngekwemusa wakho; yesula tiphambuko tami ngekwesihawu sakho lesikhulu.

Tihlabelelo 51:9

Fihla buso bakho etonweni tami, wesule bonkhe bubi bami.

Isaya 2:9

Ngako umuntfu utakwehliswa neluntfu lonkhe lutfotjiswe, ungabatsetseleli.

Isaya 43:25

“Mine, ngimi, losusa tiphambuko takho ngenca yami, tono takho angiphindzi ngitikhumbule.

Isaya 44:22

Tikhubekiso takho ngitishanyele njengelifu. netono takho njengenkhungu yasekuseni. Buyela kimi, ngobe sengikuhlengile.”

Jeremiya 18:23

Awu Simakadze, kodvwa wena uyawati onkhe lamasu abo labafuna kungibulala ngawo. Ungawatsetseleli lamacala abo, futsi-ke ungacali utesule leto tono tabo embikwakho. Abaketulwe embikwakho, bavukele ngesikhatsi sentfukutselo yakho.

Sililo 1:22

“Kodvwa konkhe kungalungi kwabo akute embikwakho, nabo ubaphatse njengaloku wentile kimi, ngenca yato tonkhe tono tami. Kububula kwami kunyenti, nenhlitiyo yami iyacaleka.”

2 kuThimothi 4:14

Alekzanda, umkhandzi welitfusi, wenta tintfo letinyenti letimbi kimi, iNkhosi iyawungenanela kuye.