Nehemiya 13:20 - Siswati 1996 Bible Kwaze kwaba kanye nakabili, solomane batsengi nebatsengisi bato tonkhe tinhlobonhlobo talokutsengiswako bavalelwa ngephandle kweJerusalema, balale khona busuku bonkhe. |
Kwatsi nase limatfunti emasangweni aseJerusalema kutawusa kube liSabatha, ngatsi akuvalwe yonkhe iminyango ingavulwa kuze kube ngusekupheleni kweliSabatha. Ngamisa lamanye emadvodza akami emasangweni kuze kungabikho umtfwalo longenako ngelilanga leliSabatha.
Kodvwa noko ngabayala ngatsi: “Nilalelani busuku bonkhe lapha ngephandle kwelubondza? Naniphindza nikwenta loko, ngitawugcina senginiphetse ngetandla.” Kusukela ngalelo langa abazange baphindze babuye kutewutsengisa ngeliSabatha.