Nehemiya 12:39 - Siswati 1996 Bible

nasetikweLisango laka-Efrayimu, sendlulela nakulakaJeshana, nakuLetinhlanti, neMbhoshongo waHananeli, neweLikhulu kuze kuyewufika eSangweni Letimvu. Befika bema eSangweni Labomahlalesangweni.

Nehemiya 12:39 Referencias Cruzadas

2 Emakhosi 14:13

Jehoyashi, inkhosi yaka-Israyeli, wabamba Amasiya, inkhosi yakaJuda, umsa waJowashi, labetalwa ngu-Ahaziya, wamtfumba eBhethi Shemeshi. Jehoyashi wase uyahamba waya eJerusalema, wafike wabhidlita lubondza lolwalutungelete iJerusalema kusukela eSangweni laka-Efrayimu kuze kuyewufika ngaseSangweni Leligumbi, indzawo leyayingemamitha labengaba li-180 budze.

Nehemiya 12:40

Lamakwaya lamabili labehlabelela kubonga esuka atsatsa tindzawo tawo lapha ekhatsi nendlu yaNkulunkulu, nami futsi kanjalo kanye nencenye yetindvuna,

Nehemiya 3:1

Eliyashibi, umPhristi Lomkhulu, kanye nabomnakabo lababebaphristi bawusukumela umsebenti, bakha Lisango Letimvu. Balinikela kuNkulunkulu, base bemisa tivalo talo ngabolonina, bakha lubondza badzimate befika eMbhoshongweni Welikhulu, nawo labawunikela kuNkulunkulu, bachubeka nekwakha kwaze kwaba nguseMbhoshongweni waHananeli.

Nehemiya 3:25

Phalali, umsa wa-Uzayi, yena wasebenta macondzana nelijika kanye nembhoshongo lowawengeme sigodlo lesingenhla edvute nesibuya sabomahlalesangweni. Eceleni kwakhe kwaba nguPhedaya, umsa waPharoshi,

Nehemiya 3:3

Emadvodzana aHasena wona avusa liSango Lenhlanti, ashayela emakabha, ase afaka netivalo talo, kanye nemavelevele alo nemishudvo yalo endzaweni yayo.

Nehemiya 3:6

Joyada, umsa waPhaseya, banaMeshulamu, umsa waBesodeya, bona babevusetela liSango Lelidzala, bashayela emakabha alo, base bemisa tivalo talo kanye nemavelevele alo nemishudvo endzaweni yayo.

Nehemiya 8:16

Ngako bantfu baphuma bahamba bayawugawula emagala, babuya nawo batawutakhela emadlangala etikwetindlu tabo, nasemabaleni abo, nasetibuyeni tendlu yaNkulunkulu, nasetinkhundleni letatingaseSangweni Lemanti kanye nangaseSangweni laka-Efrayimu.

Jeremiya 31:38

Simakadze utsi: “Emalanga ayeta lapho khona ngiyakwakhelwa kabusha lelidolobha kusukela eMbhoshongweni waHananeli kuye eSangweni Lelikona.

Jeremiya 32:2

Imphi yenkhosi yaseBhabhulona yase ivimbetele iJerusalema, Jeremiya umphrofethi abevalelwe esibuyeni sabogadzi, esigodlweni senkhosi yakaJuda.

Zefaniya 1:10

Simakadze utsi: “Ngalelo langa kuyawuvela kukhala eSangweni Lenhlanti, kuvele kulila eNcenyeni Lensha yelidolobha, nekuphihlika lokukhulu lokuphuma emagcumeni.

Johane 5:2

Lapha eJerusalema, eceleni kweliSango Letimvu, bekunelichibi lebekutsiwa ngesiHebheru yiBhethesda, belinemihubhe lesihlanu.