Ngako-ke Jakobe wakhuluma emndenini wakhe nakubo bonkhe lababekakhe, watsi: “Lahlani tonkhe tithico tebetive leninato, nitihlambulule, nembatse tingubo letihlobile.
Nehemiya 12:30 - Siswati 1996 Bible Batsi nase batihlambululile ngekwelisiko baphristi nemaLevi, base bahlambulula bantfu, nemasango kanye nalolubondza. |
Ngako-ke Jakobe wakhuluma emndenini wakhe nakubo bonkhe lababekakhe, watsi: “Lahlani tonkhe tithico tebetive leninato, nitihlambulule, nembatse tingubo letihlobile.
Baphristi nemaLevi batihlambulula kutsi batekwenyusa libhokisi lesivumelwane saSimakadze, Nkulunkulu wema-Israyeli.
Noko baphristi babembalwa kakhulu kutsi bahlinze yonkhe leyo minikelo yekushiswa; ngako tihlobo tabo lekwakungemaLevi tabasita, kwaze kwaphela lowo msebenti, kwaze nalaba labanye baphristi nabo bangcweliswa, ngobe emaLevi abekucilikele kutingcwelisa wona matfupha kwendlula baphristi.
watsi: “MaLevi, lalelani lapha kimi! Tingcweliseni nyalo, bese ningcwelisa nelithempeli laSimakadze, Nkulunkulu waboyihlomkhulu. Susani konkhe lokungcolile endzaweni lengcwele.
Ngako ema-Israyeli labebuye ekutfunjweni alidla, akanye nabo bonkhe lababetehlukanisele batigcina bangete benta tintfo letingcolile letatentiwa ngulaba betive lababebomakhelwane babo, khona batewufunisisa Simakadze, Nkulunkulu wema-Israyeli.
naseBhethi Gilgali, nasesigodzini saseGeba, nase-Azmavethi, njengobe bahlabeli nabo bese batakhele imiti emacentselweni aseJerusalema.
Ngase ngitjela emaLevi kutsi akatihlambulule ahambe ayewuciza emasango, kuze agcine liSabatha lingcwele. Nangenca yaloko ngikhumbule, Nkulunkulu wami, ungihawukele njengekwelutsandvo lwakho lolukhulu.
Ngako ngabahlambulula baphristi nemaLevi kuko konkhe lokwakukwebetive, ngase ngibanika imisebenti, ngulowo ngamnika wakakhe.
Bekutsi kungendlula lesikhatsi semadzili, bese Jobe utfumela kubantfwabakhe abahlambulule. Abevuka ekuseni ngetingweti abentele bonkhe umnikelo wekushiswa ngekwelinani labo, acabanga atsi: “Mhlawumbe bantfwabami bonile bacalekisa Nkulunkulu etinhlitiyweni tabo.” Lona bekungumkhuba waJobe, labewenta njalo nje.
Simakadze wakhuluma kuMosi, watsi: “Buyela kubantfu ubatjele kutsi batihlambulule lamuhla nakusasa, bageze tingubo tabo;
Mosi wakhuluma kubantfu watsi: “Tilungiseleleni lilanga langemhlomunye, ningalali nalomsikati.”
Lowo nalowo mPhristi Lomkhulu ukhetfwa emkhatsini webantfu amiselwe kumela bantfu kuNkulunkulu, kuze anikele tipho nemihlatjelo ngenca yetono.
Ngenca yalobo butsakatsaka bakhe, naye kudzingekile kutsi ente iminikelo yetono takhe, njengobe abentela labanye bantfu.