Nehemiya 11:24 - Siswati 1996 Bible

Phethahiya, umsa waMeshezabeli, lomunye wentalelwane yaZera, umsa waJuda, abeliso lenkhosi kuto tonkhe tindzaba letiphatselene nesive.

Nehemiya 11:24 Referencias Cruzadas

Genesisi 38:30

Emvakwakhe lomnakabo waphuma seloku agabe lolo lucotfo lolubovu esandleni, wametsa libito watsi nguZera.

Genesisi 46:12

Emadvodzana aJuda bekubo-Era, na-Onani, naShela, naPheresi, naZera; kodvwa Era na-Onani bafela eveni laseKhenani. Emadvodzana aPheresi bekubo-Hesroni naHamule.

1 Tikhronike 18:17

Bhenaya, umsa waJehoyada, abephetse emaKherethi nemaPhelethi; emadvodzana aDavide wona abebeluleki lababesingatsa inkhosi.

1 Tikhronike 23:28

Umsebenti wemaLevi kwakukusita emadvodzana a-Aroni emsebentini wasethempelini laSimakadze: Babefanele kwengamela tibuya netindlu letatichunywe ethempelini, nekuhlambulula tonkhe tintfo letingcwele kanye nekwenta leminye nje imisebenti yasendlini yaNkulunkulu.

Nehemiya 10:21

naMeshezabeli, naSadoki, naJaduya,

Nehemiya 3:4

Meremothi, umsa wa-Uriya, umsa waHakhosi, yena wavusa luhlangotsi lolwaluseceleni kwawo. Eceleni kwakhe lubondza lwavuswa nguMeshulamu, umsa waBherekhiya, umsa waMeshezabeli. Eceleni kwakhe lubondza lwavuswa nguSadoki, umsa waBhana.

Numeri 26:20

Titukulwane takaJuda lusendvo ngelusendvo kwaba ngemaShela, labetalwa nguShela, nemaPheresi, labetalwa nguPheresi, nemaZera, labetalwa nguZera.

Matewu 1:3

Juda watala boPheresi naZara, unina wabo bekunguThamari; Pheresi watala Hesroni; Hesroni watala Ramu;