Nahume 2:13 - Siswati 1996 Bible Simakadze longuSomandla utsi: “Mine ngiphambene nawe, Nineve. Tincola takho temphi ngitatishisa tibe yintfutfu, inkemba itawudla emazinyane akho elibhubesi, anginakushiyela nyamatane emhlabeni. Emavi etitfunywa takho angeke aphindze evakale.” |
Inkhosi yase-Asiriya yatfumela khenela wayo, nendvuna yemabutfo, nendvuna lenkhulu yemphi kanye nalelikhulu libutfo lemphi, lelesuka eLakhishi yaya enkhosini, Hezekiya, eJerusalema. Lemphi yefika eJerusalema yakanekisa emseleni wesitiba lesisenhla, emgwacweni loya eNsimini yeMgezi Wetingubo.
Indvuna lenkhulu yemphi yafike yakhuluma kubo, yatsi: “Tjelani Hezekiya, nitsi: ‘Naku lokushiwo yinkhosi lenkhulu, inkhosi yase-Asiriya, itsi: Ulibeke kubani litsemba lakho?
Ngetigijimi takho umpongise tindvundvuma tetinhlamba kuSimakadze, futsi watsi: “Ngetincola tami temphi letinyenti ngigibele ticongo tetintsaba, ticongo letiphakeme kakhulu taseLebanoni. Ngijube imisedari yakhona lemidze kakhulu, kanye netipheshula telikhetselo. Ngifinyelele kuletikhashane tindzawo takhona, emahlatsi akhona elikhetselo.
Senaheribi watfola umbiko wekutsi Thihakha, inkhosi yaseKushe, nayo iyashuca itewuhlasela yena. Ngako waphindze watfumela tigijimi kuHezekiya nelivi lelitsi:
Bakhuluma kabi ngaNkulunkulu waseJerusalema, balingisa ngesikhatsi bakhuluma ngalabonkulunkulu baletinye tive temhlaba, labangumsebenti wetandla temuntfu.
Uvimba acedze timphi kutsi tichubeke emhlabeni wonkhe jikelele. Ufohlota butjoki, ephule sikhali, tincola atishise ngemlilo.
Ngiphambene nawe, Jerusalema, wena lohlala ngetulu kwalesihosha entsabeni lengemadvwala, kusho Simakadze. Nine lenikhulumako, nitsi: “Ngubani nje longasihlasela? Ngubani longangena kulenqaba yetfu?”
“Memetelani loku eGibhithe, nikwatise futsi naseMigdoli; kumemeteleni futsi naseMemfisi kanye naseThaphanesi, nitsi: ‘Manini ngetigaba tenu nilungele, ngobe inkemba iyawudla labo labanitungeletile.’
“Buka la, ngimelene nawe, live lemaBhabhulona, awu, wena lotiphakamisako, ngobe lilanga lakho selifikile, sikhatsi sakho sekutsi ujeziswe,” kusho iNkhosi Simakadze lenguSomandla.
“Ngimelene nawe, wena ntsaba lebhubhisako, wena lobhubhisa umhlaba wonkhe,” kusho Simakadze. “Ngiyakwelula sandla sami silwe nawe, ngikugicite ngikwehlise eticongweni, ngikwente ube yintsaba leshisiwe.
“ ‘Ngako-ke naku lokushiwo yiNkhosi Simakadze, itsi: “Ngenca yemavi enu layinkhohliso nangemibono yenu lengemanga, ngimelene nani,” kusho iNkhosi Simakadze.
ukhulume kulo, utsi: ‘Naku lokushiwo nguSimakadze, utsi: Ngimelene nawe. Ngitawukhokha inkemba yami emgodleni wayo, ngibabulale ngayo ngibesuse kuwe labalungile nalababi.
Ngako-ke naku lokushiwo yiNkhosi Simakadze, itsi: Ngimelana nawe, wena Thire, futsi ngitakuvusela tive letinyenti tikuhlasele, njengelwandle nalugubha emagagasi alo.
utsi: ‘Naku lokushiwo yiNkhosi Simakadze, itsi: “ ‘Awu, Sidoni, ngiyemelana nawe, futsi ngitawutibutsela ludvumo ngawe. Bayawukwati kutsi mine nginguSimakadze, nangehlisela sijeziso etikwakho, ngitikhombise mine ngingcwele ekhatsi kuwe.
ngako-ke ngiyemelana nawe kanye nemifula yakho, live laseGibhithe ngiyawulenta libe yimfuhlululu, lisale likhala libhungane, kusukela eMigdoli kuye e-Aswani, kuze kuyewufika emnyeleni waseKushe.
Khuluma kuyo utsi: ‘Naku lokushiwo yiNkhosi Simakadze, itsi: “ ‘Ngimelene nawe, Faro, nkhosi yaseGibhithe, wena nyokangwenya lenkhulu, wena locambalele emkhatsini wemifudlana yakho. Ukhuluma utsi: “INayili yami, ngatakhela yona mine.”
utsi: ‘Naku lokushiwo yiNkhosi Simakadze, itsi: Ngimelene nawe, Edomu, live letintsaba, ngiyakwelula sandla sami ngimelane nawe, ngikwente ube lihlane lelingenalutfo.
utsi: ‘Naku lokushiwo yiNkhosi Simakadze, itsi: Ngimelene nawe, wena Gogi, ndvuna lenkhulu yakaMesheki nakaThubali.
“Ndvodzana yemuntfu, phrofetha umelane naGogi, utsi: ‘Naku lokushiwo yiNkhosi Simakadze, itsi: Ngimelene nawe Gogi, wena ndvuna lenkhulu yakaMesheki nakaThubali.
“Ngako-ke naku lokushiwo yiNkhosi Simakadze, itsi: Mine, matfupha, ngimelene nawe, Jerusalema, futsi ngiyawukushaya ngesijeziso embikwato letive tibukile.
Libhubesi litingele tinyamatane, letenele kondla bantfwabalo kanye nemkalo, ligcwalise sikhundla salo ngetinyamatane, lihlohle nemgodzi walo ngalelikutingele.
Maye kulo lidolobha lengati leligcwele emacebo, naleligcwele imphango, nalelingabesweli bantfu lekubahlupha.
Tonkhe tinqaba takho tinjengemikhiwa lenemakhiwa ayo ekucala lasavutsiwe; nangabe inyakatiswa, lamakhiwa adzilikela emlonyeni walowo lowadlako.
Umlilo utakudlela khona lapho, nenkemba itakudla ikucedze, njengetintsetse tidla tjani, nawe umlilo utakudla ukucedze, wandze njengesikhonyane.
Simakadze longuSomandla utsi: “Mine ngiphambene nawe, ngitawuphakamisa tidvwaba takho tibheke etulu. Tonkhe tive temhlaba ngitatikhombisa bungcunu bakho, nemibuso yemhlaba ngiyikhombise lihlazo lakho.
Simakadze wakhuluma kuJoshuwa, watsi: “Ungabesabi, ngobe ngalesikhatsi kusasa bonkhe ngitawubaniketela kuma-Israyeli kutsi ababulale. Kufanele lamahhashi niwajube imisipha yemilente, bese nishisa letincola tabo.”
Joshuwa wenta kubo kona loko labetjelwe nguSimakadze kutsi akwente: Wajuba imisipha yemilente yemahhashi abo, washisa netincola tabo.