Nahume 1:3 - Siswati 1996 Bible

Simakadze akasheshi atfukutsele, kodvwa unemandla lamakhulu. Simakadze angeke ahlale angabajezisi labanelicala. Indlela yakhe isesiwunguwungwini nasesivunguvungwini; emafu alutfuli lwetinyawo takhe.

Nahume 1:3 Referencias Cruzadas

2 Samuweli 22:10

Wabhobosa emazulu, wehlela phansi. Emafu lamnyama abengaphansi kwetinyawo takhe.

Nehemiya 9:17

Bala kulalela, abazange bakhumbule timangaliso lewawutentile kubo. Bahlubuka baba netinhloko letilukhuni, baze ngekutiphakamisa kwabo batikhetsela umholi wabo labetabahola ababuyisele ebugcilini babo. Kodvwa wena unguNkulunkulu lotsetselelako, nalonemusa, nesihawu, lowephutako kutfukutsela ugcwele lutsandvo. Ngako awuzange ubalahle,

Jobe 10:14

Kube ngake ngona, ngabe wawungibukile, futsi bewungeke ungiyekele ungangijezisi.

Jobe 38:1

Simakadze waphendvula Jobe asesivunguvungwini, watsi:

Jobe 9:4

Kuhlakanipha kwaNkulunkulu kujulile, emandla akhe abanti kakhulu. Ngubani nje lowake wacinisa inhloko kuye, wachubeka waphumelela angulote sici?

Tihlabelelo 103:8

Simakadze unemusa nesihawu, uyephuta kutfukutsela, andze ngemusa.

Tihlabelelo 104:3

indlu yakho yebukhosi, uyakhe etikwemanti lasetulu. Emafu lamnyama lahlomile ayincola yakho, ugibele emaphiko emoya.

Tihlabelelo 145:8

Simakadze unemusa nesihawu, uyephuta kutfukutsela, andze ngemusa.

Tihlabelelo 147:5

Mkhulu Simakadze wetfu, nemandla akhe makhulu, kuhlakanipha kwakhe akunakulinganiswa.

Tihlabelelo 50:3

Nkulunkulu wetfu uyeta, angeke abindze. Embikwakhe kunemlilo locotfulako, utungeletwe sivunguvungu lesesabekako.

Tihlabelelo 62:11

Nkulunkulu ukhulume kanye, ngeva kwaba kubili: kutsi emandla ngakho, Nkulunkulu,

Tihlabelelo 66:3

Khulumani kuNkulunkulu nitsi: “Maye, imisebenti yakho mikhulu iyesabeka. Titsa takho titawuta kuwe tikhasa ngemadvolo, ngenca yemandla akho lamakhulu.

Isaya 19:1

Livi lesembulo lelimacondzana nelive laseGibhithe: Buka la, Simakadze ugibela lifu leligijima kakhulu, ubange kulaseGibhithe. Tithico taseGibhithe tiyawutfutfumela embikwakhe, netinhlitiyo tebantfu baseGibhithe tiyancibilika ngekhatsi kwabo.

Isaya 29:6

Simakadze longuSomandla uyakuta ngekudvuma nangekutamatama kwemhlaba, nangemsindvo lomkhulu, nangesikhukhula semoya nesihhushuhhushu, nangemalangabi emlilo lodlako.

Isaya 66:15

Bukani la, Simakadze uta ngemlilo, netincola takhe temphi tifanana nesiwunguwungwana; uyawukwehlisa intfukutselo yakhe ngalokwesabekako, nekutsetsa kwakhe kute ngemalangabi emlilo.

Jeremiya 4:13

Bukelani, usondzela ukhephuka njengemafu, tincola takhe temphi tiyayalutela njengesiwunguwungwana, emahhashi akhe agijima kwendlula tinsweti.

Danyela 7:13

“Embonweni wami wasebusuku, ngabona embikwami kwakume umuntfu labenjengendvodzana yemuntfu, abehla ngemafu asezulwini. Wasondzela kuloLophila Phakadze Naphakadze, waholeleka ebukhoneni bakhe.

Hoseya 8:7

“Bahlanyela umoya bavune siwunguwungwana. Luhlanga alunaso sishakato; lungeke lusivete sivuno. Kube belungatsela tinhlavu, betive bebangaluphanga.

Joweli 2:13

Dzabulani tinhlitiyo tenu, hhayi tembatfo tenu. Buyelani kuSimakadze Nkulunkulu wenu, ngobe unemusa nesihawu, uyephuta kutfukutsela, unelutsandvo loluphuphumako, atsambe, angete ayehlisa inhlekelele.

Jona 4:2

Wathandaza kuSimakadze watsi: “Awu, Simakadze! Akusiko yini loku lengakusho ngiseseveni lakitsi kutsi kutakwenteka? Ngiko ngabaleka ngaya eThashishi; ngobe ngangati kutsi wena unguNkulunkulu lonemusa nesihawu, uyephuta kutfukutsela, unelutsandvo loluphuphumako, uyatisola ngekutfumela lokubi.

Zakhariya 9:14

Simakadze uyawube sewuyabonakala kubo, umcibisholo wakhe uyawugijima njengembane. INkhosi Simakadze iyawushaya impalampala, iyawushuca ngetivunguvungu taseningizimu,

Numeri 14:18

‘Simakadze uyephuta kutfukutsela andze ngemusa, atsetselele sono nekuhlubuka. Noko lonelicala akamshiyi angakamjezisi; yena ujezisa bantfwana ngesono saboyise situkulwane sesitsatfu nesesine.’

Matewu 26:64

Jesu waphendvula watsi: “Usho kona. Noko ngitsi kini: “ ‘Kusukela manje seniyakuyibona iNdvodzana yeMuntfu ihleti ngesekudla saLonemandla, ita ngemafu asezulwini.’ ”

YaJakobe 1:19

Bazalwane bami labatsandzekako, khumbulani naku: Ngulowo nalowo muntfu akasheshe kuva, ephute kukhuluma, ephute nekutfukutsela;

Sembulo 1:7

Lalelani la, uyeta ngemafu, onkhe emehlo ayawumbona, ngisho nabo bonkhe labamgwaza, nato tonkhe tive temhlaba tiyawukhala tilile ngaye. Yebo, akube njalo. Amen.