Mikha 6:15 - Siswati 1996 Bible

“Niyawuhlanyela, kodvwa aniyiwuvuna. Niyawuhluta emafutsa etitselweni tawo, kodvwa aniyikuwasebentisa. Niyawuphisa liwayini, kodvwa ningalinatsi.

Mikha 6:15 Referencias Cruzadas

Jobe 31:8

nakunjalo-ke, lomunye umuntfu akadle konkhe loko bengikuhlanyele, netilimo tami atizushunwe.

Jeremiya 12:13

Bayawuhlanyela kolo, kodvwa bavune emanyeva; bayawutikhandla, kodvwa bangazuzi lutfo ngako. Ngako yetfwalani lihlazo ngesivuno senu, ngenca yentfukutselo leyesabekako yaSimakadze.”

Levithikusi 26:16

ngiyawunijezisa nganaku: Ngiyawunehlisela kutfutfumela lokwesabekako, netifo letingelapheki, nemikhuhlane lephumphutsekisa emehlo, nginente nihusheke. Niyawulima nihlanyelele lite, ngobe titsa tenu tiyawunehlula tidle konkhe loko kudla.

Levithikusi 26:20

Konkhe kusebenta kwenu kamatima kungeke kunibuyisele lutfo, ngobe emasimi enu angeke abe nesivuno, netihlahla tingeke titsele titselo.

Amose 5:11

Nigcobagcoba labamphofu nibacindzetele kutsi baninike kudla. Ngako-ke, nome nakhe tindlu letinkhulu tematje, ningeke nihlale kuto; nome nihlanyele tivini letikhulu, ningeke nilinatse liwayini lato.

Habakhuki 3:17

Nome sihlahla semkhiwa singahlumi, nemagelebisi kute esihlahleni semvini, nome umncumo ungatseli, nemasimi angasatitseli tivuno, nome sekute timvu esibayeni, netinkhomo sekute esibayeni,

Zefaniya 1:13

Ingcebo yabo iyawuphangwa, netindlu tabo tibhidlitwe. Bayawukwakha tindlu, kodvwa bangahlali kuto; bayawuhlanyela tivini, kodvwa bangalinatsi liwayini lato.”

Hagayi 1:6

Nihlanyele kakhulu, navuna kuncane. Niyadla, anesutsi; niyanatsa, kodvwa anikholwa. Niyembatsa, kodvwa anifutfumali. Niyahola imali yenu, niyifake esipatjini lesinetimbobo.”

Johane 4:37

Ngobe kuloko licinisile lelivi lelitsi: ‘Lomunye uyahlanyela, lomunye avune.’

Tikhulu 6:4

Tatitsi tingefika letive, timise kulelive lawo tibhubhise konkhe tingashiyi lutfo lolulinyiwe, kuze kuyewuma ngeGaza, tingawashiyeli lutfo loluphilako ema-Israyeli, tibhubhise timvu, netinkhomo, netimbongolo.