“Kodvwa nangabe umuntfu lomubi aphendvuka kuto tonkhe tono latentile, agcine tonkhe timiso tami, ente lokucotfo nalokulungile, akasayikufa, uyawuphila.
Matewu 7:12 - Siswati 1996 Bible “Ngako-ke konkhe lenifisa kutsi bantfu bakwente kini, kwenteni nani kubo; ngobe ngulowo umgogodla wemtsetfo newemfundziso yebaphrofethi.” |
“Kodvwa nangabe umuntfu lomubi aphendvuka kuto tonkhe tono latentile, agcine tonkhe timiso tami, ente lokucotfo nalokulungile, akasayikufa, uyawuphila.
Ungatibuyiseleli nome ube nemagcubu nebantfwana bebantfu bakini, kodvwa uyawutsandza makhelwane wakho njengobe utitsandza wena. NginguSimakadze.
Cha, Simakadze usitjelile lokungukona kukuhle. Lakufunako kitsi ngunaku: Ufuna sente kulunga, siphatsane ngemusa, siphilele Nkulunkulu ngentfobeko.
“Ngako, ngiyawusondzela kini kutakwehlulela. Ngiyawushesha kutsi ngifakaze ngimelane netangoma, netiphingi, nabofakazi bemanga, ngimelane nalabo labadlelela tisebenti emaholo ato, labo labacindzetela bafelokati netintsandzane, bemuke betive emalungelo abo, kodvwa bangangesabi mine,” kusho Simakadze longuSomandla.
“Ningacabangi kutsi ngitele kutewucitsa umtsetfo netimfundziso tebaphrofethi. Angiketeli kutewucitsa, kodvwa ngitele kutewugcwalisa.
Empeleni injongo yemyalo wetfu kuvusetela lutsandvo loluphuma enhlitiyweni lemhlophe, nakunembeza lomsulwa, nasekukholweni lokute kutentisa.
Kepha nanigcina umtsetfo webukhosi ngekwemBhalo lotsi: “Tsandza makhelwane wakho njengobe utitsandza wena,” nenta kahle.