Matewu 6:10 - Siswati 1996 Bible Umbuso wakho awute. Intsandvo yakho ayentiwe emhlabeni, njengobe yentiwa ezulwini. |
Bakhuleka batsi: “Wena Simakadze, nguwe wedvwa longuSimakadze. Wena wadala emazulu, ngisho nemazulu laphakeme kakhulu, kanye nato tigidzigidzi tetinkhanyeti, nemhlaba kanye nako konkhe lokukuwo, tilwandle kanye nako konkhe lokukuto. Wena ukugcina konkhe lokuphilako, netigidzigidzi tasezulwini tikhonta wena.
“Ngimi loyibekile inkhosi eSiyoni, inkhosi lengiyikhetsile ngiyibeke eSiyoni, intsaba yami lengcwele.”
Yebo, Nkulunkulu wami, kujabula kwami kusekwenteni intsandvo yakho, imiyalo yakho isenhlitiyweni yami.”
Ngemalanga ekugcina intsaba yelithempeli laSimakadze iyawucina, ibe ngulephakeme kwendlula tonkhe tintsaba; iyawuphakanyiswa ibe ngetulu kwemagcuma, tonkhe tive tiyawubekelela tiye kuyo tingasakhawuli.
Simakadze utsi: “Ayeta emalanga, lapho ngiyawukuvusela khona Davide Ligala lelilungile, iNkhosi leyawubusa ngekuhlakanipha, yente lokucotfo nalokulungile eveni.
“Ngesikhatsi salawo makhosi, Nkulunkulu welizulu uyawumisa umbuso longasoze wabhujiswa lutfo, futsi ngeke unikwe labanye bantfu. Uyawupitjita yonkhe leminye imibuso uyicedze, kodvwa wona uyawukuma kuze kube phakadze.
Tonkhe tive temhlaba titsatfwa njengelite. Wenta njengobe yena atsandza kuwo emandla asezulwini nakuto tive temhlaba. Kute namunye longavimbela sandla sakhe, nome atsi kuye: ‘Sewenteni?’
“Embonweni wami wasebusuku, ngabona embikwami kwakume umuntfu labenjengendvodzana yemuntfu, abehla ngemafu asezulwini. Wasondzela kuloLophila Phakadze Naphakadze, waholeleka ebukhoneni bakhe.
Lapho-ke kubusa, nemandla, nebukhulu bemibuso yonkhe lengaphansi kwelizulu, kuyawunikelwa etandleni talabangcwele, sive saLongetulu Kwako Konkhe. Umbuso wakhe kuyawuba ngumbuso waphakadze naphakadze, bonkhe babusi bayawukhotsama kuye bamkhonte, bamlalele.’
Jabula kakhulu, Ndvodzakati yaseSiyoni! Memeta ngekujabula, Ndvodzakati yaseJerusalema! Ase ubuke, inkhosi yakho ita kuwe, ilungile, futsi iphetse insindziso, ita itfobekile, igibele embongolweni, etikwelitfole lembongolo, inkhonyane yembongolo.
Ngobe lowo lowenta intsandvo yaBabe losezulwini, nguye longumnaketfu, nadzadzewetfu, namake.”
Ngicinisile, ngitsi kini: Kukhona labanye la emkhatsini wenu labangeyikuva kufa, badzimate bayibone iNdvodzana yeMuntfu ita embusweni wayo.”
Waphindze wahamba futsi kwesibili wathandaza atsi: “Babe, nangabe lendzebe ingeke yendlule kimi ngingakayinatsi, akwenteke intsandvo yakho!”
Kusukela ngaleso sikhatsi Jesu wacala kushumayela watsi: “Phendvukani, ngobe umbuso welizulu sewusondzele.”
“Akusibo bonkhe labatsi kimi: ‘Nkhosi, Nkhosi,’ labayawungena embusweni welizulu, kodvwa ngulabo labenta intsandvo yaBabe losezulwini.
Basalalele loko, Jesu wachubeka wabatjela lomunye umfanekiso, ngobe abesasondzele eJerusalema, nangobe bantfu base bacabanga kutsi umbuso waNkulunkulu wawutawuvela ngaleso sikhatsi.
batsi: “Ibusisiwe iNkhosi letako egameni leNkhosi! Akube nekuthula ezulwini, neludvumo kulelisetulu kakhulu!”
Watsi: “Babe, nawutsandza, susa kimi lendzebe yelusizi. Noko kungabi ngentsandvo yami, kodvwa akwenteke intsandvo yakho.”
Jesu waphendvula watsi: “Kudla kwami kukwenta intsandvo yalongitfumile, nekucedzela umsebenti wakhe langinike wona.
Ngobe loko kuyintsandvo yaBabe kutsi, bonkhe lababone iNdvodzana, base bakholwa kuyo, babe nekuphila lokuphakadze; mine-ke ngiyawubavusa ngemhla wekuphela.”
Umuntfu nakatsandza kwenta intsandvo yaNkulunkulu utakwati ngalemfundziso yami, nome iphuma kuNkulunkulu, nome ngitikhulumela kwami nje.
Nkulunkulu asamkhiphile wabeka Davide, waba yinkhosi yabo. Nkulunkulu wafakaza kahle ngaye nakatsi: ‘Ngitfole kutsi Davide, indvodzana yaJese, ungumuntfu wenhlitiyo yami, umuntfu lotakwenta konkhe lengifuna kutsi akwente.’
Yase itsi kimi: ‘Nkulunkulu wabokhokho betfu ukukhetsile kutsi wati intsandvo yakhe, ubone Lolungile wakhe, umuve akhuluma nawe ngeliphimbo lakhe,
Ningalilingisi lelive, kodvwa niguculwe ngekwentiwa kabusha kwengcondvo yenu, khona nitekwati kuhlolisisa loko lokuyintsandvo yaNkulunkulu, nikwati lokuhle, nalokwemukelekako, nalokuphelele.
Loko ningakwenti ngekutsenga emehlo njengalabajabulisa bantfu, kodvwa njengetisebenti taKhristu, nente intsandvo yaNkulunkulu ngenhlitiyo.
Kanjalo-ke natsi, kusukela mhlazana siva ngani, asizange siyekele kunithandazela, sinincusela kutsi niphelele ekwatini intsandvo yaNkulunkulu ngekuhlakanipha nekucondza konkhe kwaMoya.
Tiyini tona tingilosi? Tingimimoya yekusebentela Nkulunkulu, letfunyelwe kutawusita labo labayawudla lifa lensindziso.
Nidzinga kucinisela kuze kutsi nase nente intsandvo yaNkulunkulu, nitekwemukela loko lokwatsenjiswa nguye.
Ngase ngitsi: ‘Naku, ngilapha! Ngitekwenta intsandvo yakho, Nkulunkulu; njengobe kubhaliwe ngami emculwini.’ ”
anganiphelelisa kuko konkhe lokuhle, kuze nente intsandvo yakhe, asebente kini ente ngaJesu Khristu loko lokujabulisako emehlweni akhe. Ludvumo alube kuKhristu phakadze naphakadze. Amen.
Ngobe Nkulunkulu ufuna kona loko kutsi nibavale imilomo labo labatilima, ngekutsi nente lokuhle.
Ngako ngesikhatsi nisesemhlabeni, ningabe nisaphila ngetinkhanuko talelive, kodvwa ngentsandvo yaNkulunkulu.
Ingilosi yesikhombisa yashaya licilongo layo, kwase kuba nemisindvo lemikhulu kakhulu ezulwini itsi: “Umbuso walomhlaba sengumbuso weNkhosi yetfu, naKhristu wakhe; iyawubusa kuze kube phakadze naphakadze!”
Ngeva livi lelikhulu ezulwini litsi: “Nyalo insindziso, nemandla, nebukhosi sekwaNkulunkulu wetfu, neligunya selaKhristu wakhe; ngobe sewulahlelwe phansi ummangaleli lomangalela bazalwane betfu kuNkulunkulu, imini nebusuku.
Ngase ngiva lokwakungatsi livi lesicumbi lesikhulu sebantfu, linjengemsindvo wemanti lamanyenti nanjengekudvuma lokukhulu litsi: “Haleluya! INkhosi yetfu, Nkulunkulu Somandla, iyabusa.
Ngase ngibona tihlalo tebukhosi, labo bebahleti kuto banikwa emandla ekwehlulela. Ngabona nemiphefumulo yalabo bebancunywe tinhloko ngenca yekufakaza kwabo ngaJesu, nangenca yekushumayela kwabo livi laNkulunkulu. Abazange bavume kusikhonta lesilo nome umfanekiso waso, abazange balwemukela neluphawu lwaso emabuntini abo nasetandleni tabo. Bavuka ekufeni, babusa naKhristu iminyaka leyinkhulungwane.