Matewu 4:24 - Siswati 1996 Bible

Ludvumo ngaye lwandza nalo lonkhe laseSiriya, kangangekutsi kwaletfwa kuye bonkhe bantfu lababegula, baphetfwe tinhlobonhlobo tekufa, nalababekhatsatwe tinhlobonhlobo tetinhlupheko: lababenemadimoni, nalababenesitfutfwane, nalababefe tinhlangotsi; Jesu wabaphilisa bonkhe.

Matewu 4:24 Referencias Cruzadas

2 Samuweli 8:6

Davide wase umisa tinkambu temabutfo eSiriya laseDamaseko. EmaSiriya ase aba bantfu bakhe atsela kuye Davide. Simakadze wapha Davide kuncoba nome ngukuphi lapho ahlasela khona.

1 Emakhosi 10:1

Indlovukazi yaseSheba yatsi kube ive ngeludvumo lwaSolomoni mayelana neLibito laSimakadze, yeta yatakumvivinya ngekumbuta imibuto lelukhuni.

1 Emakhosi 4:31

Abehlakaniphe kwendlula wonkhe umuntfu, ngisho na-Ethani, um-Ezra, imbala; abehlakaniphe kwendlula boHemani, naKhalkoli, naDada, emadvodzana aMaholi. Ludvumo ngaye lwandza, lwaze lwefika nakuto tonkhe tive letatibomakhelwane bakhe.

1 Tikhronike 14:17

Ludvumo lwaDavide lwandza nawo onkhe lawo mave, naSimakadze wenta tonkhe tive tamesaba.

1 Tikhronike 29:2

Ngetame ngawo onkhe emandla ami kulungisa tonkhe tintfo tekwakha lelithempeli laNkulunkulu wami, ngilungise igolide yekwakha tonkhe tintfo tegolide, nesiliva yekwakha tonkhe tintfo tesiliva, nelitfusi lekwakha tonkhe tintfo telitfusi, nensimbi yekwakha tonkhe tintfo tensimbi, netingodvo tekwakha tonkhe tintfo telukhuni, ne-oniksi yekuhlobisa ngemigca, nethekhosi, nematje lamibalabala, netinhlobonhlobo tematje laligugu lacolisakele kanye netintfo temabuli; konkhe loku kunyenti kakhulu.

Eksodusi 15:26

Wakhuluma kubo watsi: “Naningilalela, nigcina livi lami, mine Nkulunkulu wenu, nente loko lokulungile, nigcine nemiyalo yami, ngingeke nginijezise ngaletifo lengatehlisela etikwemaGibhithe. Mine nginguSimakadze longumphilisi wenu.”

Matewu 12:22

Khona kwase kuletfwa kuye umuntfu labenelidimoni ayimphumphutse angakhulumi, wamphilisa. Kwatsi lona bekasimungulu wakhuluma wabona.

Matewu 14:1

Kwaba nguleso sikhatsi lapho Herodi, inkhosi yaseGalile, eva umbiko ngaJesu.

Matewu 15:22

Umfati labengumKhenani wakuyo leyo ndzawo weta kuJesu akhala atsi: “Ngihawukele, Nkhosi! Ndvodzana yaDavide! Indvodzakati yami iphetfwe lidimoni kabi.”

Matewu 17:15

yatsi: “Nkhosi, hawukela indvodzana yami, ngobe inesitfutfwane, ihlupheka kabi, iwela futsi emlilweni nasemantini.

Matewu 17:18

Jesu walekhuta lelidimoni, lomfana waphila ngaleso sikhatsi.

Matewu 4:23

Jesu walihamba lonkhe laseGalile, afundzisa emasinagogeni abo, ashumayela liVangeli lembuso, aphilisa bantfu kuto tonkhe tifo nasekuguleni kwabo.

Matewu 8:28

Kwatsi Jesu nasafikile ngesheya, eveni lemaGadara, wahlangabetwa bantfu lababili lababenemadimoni, baphuma emathuneni. Babeyingoti lenkhulu kangangekutsi kwakungasahambi muntfu ngaleyo ndlela.

Matewu 8:33

Lamadvodza abelusile abaleka aya edolobheni, afike abalandzisa yonkhe indzaba, nekutsi kwentekani kulamadvodza lamabili labenemadimoni.

Matewu 8:6

yatsi: “Nkhosi, sisebenti sami silele phansi endlini, sife luhlangotsi, sisebuhlungwini lobukhulu.”

Matewu 9:26

Lendzaba yandza nalo lonkhe lelo live.

Matewu 9:35

Jesu wahamba ajikeleta emadolobheni nasemitini. Abehamba afundzisa emasinagogeni abo, ashumayela liVangeli lembuso, aphilisa nebantfu etifeni tabo tonkhe nasemikhuhlaneni letinhlobonhlobo.

Makho 1:28

Masinyane tidvumo taJesu tandza nalo lonkhe laseGalile.

Makho 1:32

Kwatsi kusihlwa selishonile baletsa kuJesu bonkhe lababegula nalababephetfwe ngemadimoni.

Makho 2:3

Kwaletfwa kuye umuntfu labefe luhlangotsi, etfwelwe ngemadvodza lamane.

Makho 2:4

Behluleka kumsondzeta edvute naJesu ngenca yemminyaminya wesicuku, ngako base bavula sikhala eluphahleni lwendlu macondzana naJesu, bamehlisa ngeluhlaka lwakhe, bambeka embikwaJesu.

Makho 2:9

Ngukuphi lokulula kukusho kulona lofe luhlangotsi kutsi: ‘Utsetselelwe tono takho’, nome kutsi: ‘Sukuma utsatse luhlaka lwakho uhambe’?

Lukha 2:2

Lolubalo lwekucala lwentiwa ngesikhatsi Kwiriniyusi anguLusibalukhulu waseSiriya.

Lukha 4:14

Jesu wabuyela eGalile agcwele emandla aMoya Longcwele. Indzaba yakhe yandza yasakateka naso sonkhe leso sigodzi.

Lukha 4:38

Jesu wesuka esinagogeni waya ekhaya kaSimoni. Uninatala waSimoni abephatseke kakhulu ngumkhuhlane; base babikela Jesu ngalowo mkhuhlane wakhe.

Lukha 5:15

Kodvwa noko indzaba ngaye yandza nayo yonkhe indzawo; ticumbi letikhulu teta kutemlalela nekutsi titewuphiliswa etifeni tato.

Lukha 5:24

Ngitanikhombisa-ke kutsi iNdvodzana yeMuntfu inemandla ekutsetselela tono emhlabeni,” wase utsi kulobekafe luhlangotsi: “Ngitsi kuwe, sukuma, utsatse luhlaka lwakho uhambe uye ekhaya.”

Lukha 7:17

Lendzaba ngaJesu yandza neliJudiya lonkhe kanye netigodzi letatakhelene nalo.

Johane 10:21

Kodvwa labanye babo batsi: “Lamavi akusiwo emavi emuntfu lonelidimoni. Lidimoni lingawavula yini emehlo emphumphutse?”

Imisebenti yebaPhostoli 10:38

Niyati futsi ngaJesu waseNazaretha, kutsi Nkulunkulu wamgcoba kanjani ngaMoya Longcwele nangemandla nekutsi waya kuyo yonkhe indzawo enta lokuhle aphilisa bonkhe lababecindzetelwe ngemandla aSathane, ngobe Nkulunkulu abenaye.

Imisebenti yebaPhostoli 15:23

Kwatfunyelwa ngabo incwadzi leyayitsi: “Yemukelani nanso incwadzi levela kubaphostoli nebazalwane labababonisi lababingelela bazalwane betive ngekutalwa, labahlala edolobheni lase-Antiyokhi nasetifundzeni taseSiriya naseSilisiya.

Imisebenti yebaPhostoli 15:41

Wahamba wadzabula eSiriya naseSilisiya, acinisa emabandla.

Imisebenti yebaPhostoli 28:9

Kwatsi kube kwenteke loko, tonkhe tigulane takulesichingi taletfwa tafike taphiliswa tonkhe.

Imisebenti yebaPhostoli 8:7

Bomoya lababi babephuma kubantfu bakhala kakhulu; bonkhe lababefe tinhlangotsi nalababechuta nabo baphiliswa.

Joshuwa 6:27

Ngako Simakadze waba naJoshuwa kuko konkhe, ludvumo lwakhe lwandza nalo lonkhe live.