Matewu 3:7 - Siswati 1996 Bible

Kepha watsi nakabona labanyenti bebaFarisi nebaSadusi beta embhabhatisweni, wababuta watsi: “Ntalo yetinyoka, ngubani lonitjele watsi: ‘Balekelani lolulaka lolutako’?

Matewu 3:7 Referencias Cruzadas

Genesisi 3:15

Ngitawubeka butsa emkhatsini wakho nemfati, nasemkhatsini wentalo yakho nentalo yemfati. Yona iyawufihlita inhloko yakho, wena uyawuluma sitsendze sayo.”

Taga 28:4

Labo labephula umtsetfo ngemabomu badvumisa lababi; kodvwa labo labahlonipha umtsetfo baphambana nebantfu lababi.

Isaya 59:5

Bachobosela emacandza emabululu, bephotsele bulembu. Bonkhe labadla emacandza awo bayakufa, nakuchamusela linye, kuphuma libululu.

Jeremiya 51:6

“Phumani nibaleke eBhabhulona! Phephisani timphilo tenu! Ningabhujiswa ngenca yetono tayo. Sesikhatsi sekuphindzisela kwaSimakadze; utayikhokhela ngaloko lokuyifanele.

Jeremiya 6:10

Ngubani nje lengingakhuluma kuye ngimecwayise? Ngubani lotangilalela? Tindlebe tabo tivalekile, kuze bangetikuva. Livi laSimakadze lisikhubekiso kubo, abajabuli ngalo.

Matewu 12:24

Kepha baFarisi nabakuva loku, batsi: “Lo, ukhipha emadimoni ngaBhelzebule, umbusi wemadimoni, kuphela.”

Matewu 12:34

Nine, ntalo yetinyoka, ningakukhuluma kanjani lokuhle nine nibabi kangaka nje? Ngobe umlomo ukhuluma loko lokugcwele enhlitiyweni.

Matewu 15:12

Bafundzi bakhe beta kuye batsi: “Uyati yini kutsi loku lokushito kubaphatse kabi emoyeni baFarisi?”

Matewu 16:1

BaFarisi nebaSadusi beta kuJesu batemlinga, bamcela batsi akabakhombise sibonakaliso lesivela ezulwini.

Matewu 16:6

Jesu watsi kubo: “Nibocaphela, ningangenwa yimbiliso yebaFarisi nebaSadusi!”

Matewu 22:15

Besuka lapho baFarisi bayakwakha licebo lekumgiba ngemibuzo.

Matewu 22:23

Ngalo lelo langa kwefika kuye baSadusi labatsi kute kuvuka kulabafile,

Matewu 22:34

Batsi nasebevile baFarisi kutsi Jesu ubathulisile baSadusi, base babutsana ndzawonye.

Matewu 23:33

Tinyoka, ntalo yemabululu! Nitakubalekela njani kulahlwa esihogweni?

Matewu 5:20

Ngobe ngiyanitjela impela ngitsi: Ngaphandle kwekutsi kulunga kwenu kwendlule kwetati temtsetfo nekwebaFarisi, ningeke ningene embusweni welizulu.”

Makho 12:13

Base batfumela labanye bebaFarisi, kanye nemaHerodi, kutsi atewugiba Jesu ngenkhulumo yakhe.

Makho 12:18

Kwase kuta kuJesu baSadusi, labatsi bona kute kuvuka kulabafile, bambuta umbuzo batsi:

Makho 8:15

Jesu wabadvonsa ngendlebe watsi: “Caphelani imbiliso yebaFarisi neyaHerodi.”

Lukha 16:14

BaFarisi nabakuva loku, bamphukuta Jesu, ngobe phela babeyitsandza imali.

Lukha 18:11

“UmFarisi wakhwesha wema yedvwa wathandaza watsi: ‘Ngiyakubonga, Nkulunkulu, kutsi mine angifanani nalabanye bantfu labatigebengu, nalabangakalungi, netiphingi, nanjengalomtselisi.

Lukha 7:30

Kodvwa baFarisi netati temtsetfo atiyemukelanga injongo yaNkulunkulu ngato, bala kubhajatiswa nguJohane.

Johane 1:24

Labanye kuletitfunywa bekubaFarisi.

Johane 8:44

Nine nibeyihlo Sathane. Nitsandza kwenta tinkhanuko teyihlo. Yena abevele angumbulali webantfu kusukela ekucaleni, akemi ecinisweni, ngobe liciniso kute kuye. Nakakhuluma emanga, ukhuluma intfo yakhe, ngobe ungumcambimanga neyise wawo onkhe emanga.

Johane 9:40

Labo baFarisi lababelapho bamuva nakasho njalo, batsi kuye: “Pho, tsine sitimphumphutse yini?”

Imisebenti yebaPhostoli 15:5

Kepha lamanye emakholwa elicembu lebaFarisi asukuma atsi: “Kufanele basoke, batjelwe kutsi bagcine umtsetfo waMosi.”

Imisebenti yebaPhostoli 20:31

Ngako-ke caphelani nikhumbule kutsi ngetinyembeti letinyenti imini nebusuku benginifundzisa ngamunye ngamunye, kwaze kwaphela iminyaka lemitsatfu.

Imisebenti yebaPhostoli 26:5

Ngihleti sikhatsi lesidze nabo bayangati; futsi bangakufakaza loko, nabatsandzako, kutsi ngekwenkholo ngangiphila ngililunga lebaFarisi, licembu lelikhonta Nkulunkulu ngekulandzela tibopho temiyalo nemitsetfo.

Imisebenti yebaPhostoli 5:17

Kwase kutsi umPhristi Lomkhulu nabo bonkhe labenabo, kanye nemalunga lamanye ebaSadusi, baba nemona lomkhulu ngebaphostoli; bavumelana ngekutsi babatsatsele tinyatselo.

KubaseRoma 1:18

Lulaka lwaNkulunkulu lubonakala luphuma ezulwini lwehlela etikwako konkhe kungamesabi Nkulunkulu nekungalungi kwebantfu labavimba liciniso ngekungalungi kwabo.

KubaseRoma 5:9

Sesentiwe ngengati yaJesu semukeleka kuNkulunkulu kutsi silungile, ngetulu kwaloko siyawusindziswa ngaye elulakeni lwaNkulunkulu.

1 kubaseThesalonika 1:10

Nonkhe nilindzele kuchamuka kweNdvodzana yakhe ezulwini, layivusa kulabafile. LeNdvodzana nguJesu losikhulula elulakeni lolutako.

KumaHebheru 11:7

Ngekukholwa Nowa walalela tecwayiso taNkulunkulu ngetintfo letatingakabonakali letatitakwenteka. Walalela Nkulunkulu ngekwakha umkhumbi wekuphephisa umndeni wakhe. Ngekukholwa wadalula bubi belive, wase uba yindlalifa yekulunga lokutfolakala ngekukholwa.

KumaHebheru 6:18

Ngako-ke Nkulunkulu wasebentisa tintfo letimbili langeke agucuke kuto: setsembiso nesifungo. Tsine-ke lesesitfole kuphepha kuye kufanele sibe nekukhutsatela lokukhulu, siphutfume lelitsemba leselibekwe embikwetfu.

1 yaJohane 3:10

Bantfwana baNkulunkulu nebantfwana baSathane babonakala ngaloku: Umuntfu longenti kulunga nalongatsandzi umzalwane wakhe, akasiye waNkulunkulu.