Watsi lomfelokati asahamba ayakumnatsisa, Elija watsi: “Ubomane ungiphatsele nelucetwana lwesinkhwa, tsine.”
Matewu 25:35 - Siswati 1996 Bible Ngobe ngangilambile, nangipha kudla; ngangomile, nanginatsisa; ngangisihambi, nangemukela emitini yenu; |
Watsi lomfelokati asahamba ayakumnatsisa, Elija watsi: “Ubomane ungiphatsele nelucetwana lwesinkhwa, tsine.”
Kodvwa kute nasinye sihambi lesake salala ngephandle. ngobe umnyango wami wawuhlala uvulekele tihambi.
Umuntfu lobukela phansi makhelwane wakhe uyona; kodvwa ubusisiwe umuntfu lonemusa kulabamphofu.
Nawucindzetela luphuya, wetfuka uMdali walo; kodvwa nawuphetse kahle loweswele, udvumisa uMdali wakhe.
Ayicindzeteli muntfu nome-ke ifune sibambiso sesebolekiso. Ayidleleli muntfu, kodvwa inikela ngekudla kwayo kulabalambile nangetintfo tekwembatsa kulabangcunu.
Akacindzeteli muntfu, kodvwa ubuyisela sibambiso lasitsatsile nakenta sebolekiso. Akadleleli, kodvwa wephana nangekudla kwakhe kulabalambile, anikele ngekwekwembatsa kulabo labahlubulile.
Ngako-ke, wena waphakathi, asemukeleke kuwe leseluleko sami: Yekela tono takho, wente lokulungile, uyekele nekukhohlakala kwakho, ngekutsi ube nemusa kulabo labacindzetelwe. Kungenteka kutsi kuchubeka kahle kwakho nekuphumelela kwakho kuchubekele embili.”
Cha, Simakadze usitjelile lokungukona kukuhle. Lakufunako kitsi ngunaku: Ufuna sente kulunga, siphatsane ngemusa, siphilele Nkulunkulu ngentfobeko.
INkhosi iyawubaphendvula itsi: ‘Ngicinisile, ngitsi kini: Konkhe loko lenanikwenta kulomunye walabanaketfu labancane, nanikwenta kimi!’
Ngobe labamphofu nihlala nabo onkhe emalanga; kepha mine, anihlali nami onkhe emalanga.
Labamphofu nihlala nabo onkhe emalanga, nome ngunini nanitsandzako ningabentela lokuhle; kodvwa mine aninawuhlala nami sonkhe sikhatsi.
Kodvwa banikeni labaphuyile lokusetinkomishini nemapuledini enu, konkhe kutabe kuhlambulukile kini.
Labanye bacabanga kutsi njengobe Judasi abengumphatsisikhwama, Jesu abetsi kuye akayewutsenga loko lababetakudzinga emkhosini, nome aphe timphuya lokutsite.
itsi: ‘Khoneliyuse, Nkulunkulu uwuvile umthandazo wakho, uyikhumbulile imisebenti yakho yesihawu.
Bafundzi bavumelana kutsi ngulowo nalowo atfumele loko langakutfumela kusita bazalwane baseJudiya.
Watsi kube abhajatiswe yena nendlu yakhe, wasincenga watsi: “Nangabe niyangibona kutsi ngetsembekile ngempela eNkhosini yami, wotani nitewuhlala endlini kami.” Wasicindzetela saze savuma.
Lesicumbi semakholwa sasimcondvo munye nanhlitiyo yinye. Akekho labetsi kwakhe ngekwakhe yedvwa, kodvwa bonkhe benetisana ngako konkhe labebanako.
Cha, “nangabe sitsa sakho silambile, siphe kudla, nangabe somile, sinatsise; ngobe ngekwenta njalo utawube umtsela ngemahloni ekutisola.”
Gayusi, lengingenise kakhe nalapho kuhlanganela khona libandla lonkhe, naye uyanihambisa. Uyanihambisa na-Erastusi, umgcinisikhwama welidolobha; nemzalwane wetfu Kwathusi naye uyanihambisa. [
Lisela alingabe liseba, kepha kunaloko alikhutsale, lisebente lokuhle ngetandla talo, khona litewuba nako lelingahle likwabele labadzingako.
Kufanele atiwe ngetento takhe letinhle, njengemuntfu lowake wondla wakhulisa bantfwana, waphatsa kahle tihambi, wageza tinyawo talabangcwele, wasita labahluphekile, futsi kufanele abe ngulabetinikele kwenta lokuhle nome ngayiphi indlela.
Lutsandvo lwakho luyangijabulisa, futsi luyangikhutsata, mzalwane wami. Tinhlitiyo talabanyenti labangcwele tihlunyelelisiwe ngalo.
Ningakuyekeli kwenta lokuhle nekuhlephunelana loko leninako, ngobe iminikelo lenjalo iyamtfokotisa Nkulunkulu.
Ngobe phela Nkulunkulu akakhetsi, futsi angeke ayikhohlwe imisebenti yenu nelutsandvo lenilukhombise ekusiteni labangcwele, njengobe nenta namanje.
Kukholwa lokumsulwa lokungenasici embikwaNkulunkulu longuBabe ngunaku: kuhambela tintsandzane nebafelokati elusizini lwabo, nekutigcina ungangcoliswa live.