Matewu 25:1 - Siswati 1996 Bible

“Ngaleso sikhatsi umbuso welizulu uyawufanana netintfombi letilishumi letatsatsa tibane tato, taphuma tayawuhlangabeta umyeni.

Matewu 25:1 Referencias Cruzadas

Tihlabelelo 45:14

Imikiswa enkhosini, yembetse bukhatikhati, ihamba netintfombi letitimphekeleteli, letishuca emvakwayo, nato tiya kuyo.

Ingoma Yetingoma 1:3

Liyajabulisa liphunga lemakha akho; libito lakho linjengemakha latfululwako. Nguko nje tintfombi tikutsandza kangaka!

Ingoma Yetingoma 5:16

Umlomo wakhe ukunongotela cobo lwako; yena empeleni muhle ngalokuphelele. Lowo-ke ngulongitsandzako wami, ungumngani wami, nine madvodzakati aseJerusalema.

Ingoma Yetingoma 5:8

Ngiyaniyala, madvodzakati aseJerusalema, nanimtfola longitsandzako, nitamtjela kutsini? Nibomtjela kutsi ngiyafa lutsandvo.

Isaya 54:5

Ngobe uMenti wakho yindvodza yakho, nguSimakadze longuSomandla libito lakhe, Longcwele waka-Israyeli unguMhlengi wakho, ubitwa ngekutsi nguNkulunkulu wemhlaba wonkhe.

Danyela 2:44

“Ngesikhatsi salawo makhosi, Nkulunkulu welizulu uyawumisa umbuso longasoze wabhujiswa lutfo, futsi ngeke unikwe labanye bantfu. Uyawupitjita yonkhe leminye imibuso uyicedze, kodvwa wona uyawukuma kuze kube phakadze.

Matewu 13:24

Lomunye umfanekiso lawubeka utsi: “Umbuso welizulu ufanana nendvodza leyahamba yayawuhlanyela inhlanyelo lenhle ensimini yayo.

Matewu 13:31

Lomunye umfanekiso labatjela wona wawutsi: “Umbuso welizulu ufanana nenhlavu yendlulamitsi, layitsatsa lomunye umuntfu wayihlanyela ensimini yakhe.

Matewu 13:38

Insimi ngulomhlaba, inhlanyelo lenhle bantfwana bembuso, kepha lukhula bantfwana baLomubi.

Matewu 13:47

“Futsi umbuso welizulu ufanana nelinetha lelafakwa elwandle, labutsa tonkhe tinhlobo tetinhlanti.

Matewu 20:1

“Umbuso welizulu ufanana nemnikati wesivini, lowaphuma ekuseni ayawucasha emadvodza ekusebenta esivinini sakhe.

Matewu 22:2

“Umbuso welizulu ungafaniswa nenkhosi leyalungisela indvodzana yayo lidzili lemshado.

Matewu 25:7

Tavuka-ke tonkhe leto tintfombi letatilishumi talungisa tibane tato.

Matewu 3:2

atsi: “Phendvukani, ngobe umbuso welizulu sewusondzele.”

Matewu 5:16

Kanjalo-ke akukhanye kukhanya kwenu embikwebantfu, kuze babone lokulungile lenikwentako, bese badvumisa uYihlo losezulwini.”

Matewu 9:15

Jesu watsi kubo: “Likhetfo lingakhala yini umkhwenyane asenalo? Kodvwa kutawufika sikhatsi lapho umkhwenyane atawususwa kulo, kube ngukhona-ke litawuzila.

Johane 18:3

Ngako-ke Judasi wavele wacondza khona kuleyo ndzawo, ahamba nesicuku lesikhulu semasotja, nalabanye bogadzi belithempeli lababetfunywe baphristi labakhulu bakanye nebaFarisi. Babehlome tikhali, baphetse emalambu netidlwane.

Johane 3:29

Lowo lonamakoti ungumyeni; kepha umngani wemyeni nakaliva livi lemyeni, ujabula kakhulu. Ngako-ke lenjabulo yami seyiphelele.

Imisebenti yebaPhostoli 20:8

Kwakukhanyiswe tibane letinyenti endlini lesetulu lapho besihlanganele khona.

1 kubaseKorinthe 11:2

Ngiyanincoma ngobe ningikhumbula etintfweni tonkhe, nibambelele etimfundzisweni lenganifundzisa tona.

2 kubaseKorinthe 11:2

Nginesikhwele ngani, sikhwele saNkulunkulu; ngobe nganendzisa njengentfombi lengenasici, nganetfula kuKhristu, lekunguyona ndvodza yenu leyodvwana.

2 kuThimothi 4:8

Manje sengihlalelwe kutfola umchele wekulunga, lengibekelwe wona yiNkhosi, uMehluleli lolungile. INkhosi iyawunginika lowo mchele ngalelo langa, hhayi mine kuphela kodvwa bonkhe labetsabele kubuya kwayo.

kuThithusi 2:13

ngesikhatsi sisabheke kugcwaliseka kwelitsemba lelibusisekile, kubonakala kwenkhatimulo yebukhosi baNkulunkulu lomkhulu, uMsindzisi wetfu Khristu Jesu.

Sembulo 14:4

Laba bangemadvodza langazange asatingcolise ngalabasikati, bamsulwa. Ngibo laba labalandzela liWundlu nome kukuphi lapho liya khona. Kubo bonkhe bantfu ngibo labahlengiwe, balulibo lwaNkulunkulu nelweliWundlu.

Sembulo 19:7

Asitfokote, siyiphakamise, siyinike ludvumo, ngobe umshado weliWundlu sewufikile, namakoti sewutilungiselele.

Sembulo 21:2

Ngabona likhaya lelingcwele, iJerusalema Lensha, lehla liphuma ezulwini kuNkulunkulu, lilungiswe kahle lahlotjiswa njengamakoti ahlobele kuyawuhlangabeta umyeni wakhe emshadweni.

Sembulo 21:9

Lenye yaletingilosi letisikhombisa letatiphetse titja letatigcwele tinhlupheko tekugcina letisikhombisa yeta kimi, yafike yatsi: “Kota, ngitekukhombisa makoti, umkaWundlu.”

Sembulo 4:5

Kulesihlalo sebukhosi bekuphuma imibane, nemavi, nekudvuma. Embikwaso bekuvutsa tidlwane letisikhombisa letingimimoya lesikhombisa yaNkulunkulu.

Sembulo 8:10

Ingilosi yesitsatfu yalishaya licilongo layo, kwase kuwa inkhanyeti lenkhulu ezulwini, ivutsisa kwesibane, yawela etikwencenye yesitsatfu yemifula nasetikwemitfombo yemifula.