Matewu 24:6 - Siswati 1996 Bible Niyawuva ngetimphi nangemahemuhemu etimphi; caphelani ningetfuki, ngobe loko kufanele kwenteke, kodvwa umhla wekuphela uyawube ungakefiki. |
Impela, Nkulunkulu uyinsindziso yami; ngiyakumetsemba ngingesabi, Simakadze, Simakadze ungemandla ami nengoma yami; nguye loyinsindziso yami.”
Ubosho kuye utsi: ‘Caphela, uthule, ume sibindzi, ungaphelelwa ngemandla ngenca yaletiphintana letibili taletikhuni letishuncako, nangekuvutsa kwelulaka lwaResini nemaSiriya akhe nelwemsa waRemaliya.
“Nikhala nitsi: ‘Awu, nkemba yaSimakadze, uyawudzimate uphumule nini? Buyela emgodleni wakho; sale uma ubindzise.’
“Wenka-ke, ndvodzana yemuntfu, phrofetha, utsi: ‘Naku lokushiwo yiNkhosi Simakadze ngema-Amoni nangetinhlamba tawo, utsi: “ ‘Inkemba, inkemba, ikhokhelwe kugwaza, ilolongelwe kutsi ibhubhise, nekutsi imanyatele njengembane.
LeliVangeli ngembuso liyawushunyayelwa emhlabeni wonkhe, kuze kube bufakazi etiveni tonkhe, bese-ke kuyefika kuphela.”
Ningesabi naniva ngetimphi nengucuko, ngobe letintfo kufanele tenteke kucala, kodvwa atisho kutsi siphetfo sesifikile.”
Ase nginitjele naku: UmBhalo lotsi: ‘Wabalwa kanye netigelekece,’ kufanele ugcwaliseke ngami. Phela lokwabhalwa ngami sekuyagcwaliseka.”
“Nginishiya nekuthula. Lokuthula lenginipha kona akufanani nesipho selive. Tinhlitiyo tenu tingabokhatsateka futsi tingesabi.
kutsi ningasheshi nidvungeke engcondvweni yenu, ningetfuswa ngumoya nome ngemavi, nome yincwadzi lekungatsi iphuma kitsi. Konkhe loku kunganetfusi kutsi lilanga leNkhosi selifikile.
Kwaphindze kwatsi chamu lihhashi lelibovu. Lowo labeligibele wavunyelwa kutsi ayewususa kuthula emhlabeni, kuze bantfu babulalane bodvwana; wanikwa inkemba lenkhulu.