Matewu 24:48 - Siswati 1996 Bible

Kodvwa nangabe leso sisebenti lesibi sicabanga enhlitiyweni yaso sitsi: ‘Inkhosi yami isalibele,’

Matewu 24:48 Referencias Cruzadas

2 Emakhosi 5:26

Kodvwa Elisha wakhuluma kuye, watsi: “Umoya wami bewungekho edvute nawe yini ngesikhatsi lendvodza yehla encoleni yayo itekuhlangabeta? Lesikhatsi lesi ngiso yini sikhatsi sekwemukela timali, netimphahla, nemasimi emncumo, netivini, nemihlambi yetimbuti, neyetimvu, neyetinkhomo, netinceku, netincekukati?

Umshumayeli 8:11

Ngenca yekutsi sigwebo sentfo lembi siyephuta kukhishwa, tinhlitiyo tebantfu setihlosa kwenta bubi ngesibindzi.

Isaya 32:6

Ngobe silima sikhuluma bulima, ingcondvo yaso ishikaneka ngalokubi, siphila ngekungamesabi Nkulunkulu, sisakate emanga ngaSimakadze; lolambile simshiya angenalutfo, kutsi nalowomile singamniki emanti.

Hezekeli 12:22

“Ndvodzana yemuntfu, saga sini lesi leninaso lapha eveni laka-Israyeli, lesitsi: ‘Emalanga ayendlula, yonkhe imibono igucuka ibe lite’?

Hezekeli 12:27

“Ndvodzana yemuntfu, indlu yaka-Israyeli itsi: ‘Lombono lawubonako ngeweminyaka leminyenti kusukela nyalo, futsi uphrofetha ngetintfo letiyakwenteka kadzeni.’

Matewu 18:32

“Inkhosi yaso yasibita yatsi kuso: ‘Sisebenti lesibi, lonkhe lelicala lesikwelede ngikutsetselele ngalesula ngobe ungincengile.

Matewu 24:47

Ngicinisile, ngitsi kini: Iyawusimisa ngetulu kwako konkhe lenako lenkhosi.

Matewu 24:49

bese sicala kushaya letisebenti letikanye naso, sidle sinatse naletinye tidzakwa,

Matewu 25:26

“Inkhosi yaso yatsi kuso: ‘Wena sisebenti lesibi nalesivilaphako! Bewati kutsi ngivuna lapho ngingakahlanyeli khona, ngiphindze ngibutse lapho ngingakasakati khona.

Makho 7:21

Ngobe enhlitiyweni yemuntfu kuphuma imicabango lemibi, nebugwadla, nekuba, nekubulala,

Lukha 12:45

kodvwa nangabe lesisebenti sicabange satsi: ‘Inkhosi yami isalibele,’ bese sishaya tonkhe letinye tisebenti, letidvuna naletisikati, sihlaphate kudla, sinatse sidzakwe,

Lukha 19:22

Yase itsi lenkhosi kuso: ‘Wena sisebenti lesibi, ngitakulahla ngelicala ngemavi akho! Uyati kutsi ngingumuntfu lonelulaka, ngitsatsa lokungesiko kwami, ngivune lapho ngingazange ngihlanyele khona!

Johane 13:2

Sathane abesakufake enhlitiyweni yaJudasi, umsa waSimoni Skariyothi, kutsi atsengise ngaJesu. Kwatsi nasekudliwa entsambama,

Imisebenti yebaPhostoli 5:3

Phetro watsi kuyo: “Ananiyase, umvumeleleni Sathane kutsi abuse inhlitiyo yakho akwente ucale emanga kuMoya Longcwele ngekugodla incenye yalemali leyintsengo yalendzawo?

Imisebenti yebaPhostoli 8:22

Ngako, phendvuka kulelichinga lakho lelibi, uthandaze eNkhosini kutsi ikutsetselele ngekucabanga intfo lembi kangaka.

Dutheronomi 15:9

Nicaphele kutsi ningawufukameli lomcabango lomubi lotsi: ‘Umnyaka wesikhombisa lekungumnyaka wekwesulwa kwetikwelede sewusondzele,’ nize nikhombise inhlitiyo lembi kumnakenu lonesidzingo ngekungamniki lutfo. Ngobe angahle akhale ngani kuSimakadze, bese-ke nine nitfolakala ninelicala lesono.

Dutheronomi 9:4

“Simakadze Nkulunkulu wenu uyawutsi angaticosha embikwenu, nine-ke ningabosho enhlitiyweni yenu nitsi: ‘Simakadze ungiletse lapha ngitewudla lelive libe lami ngenca yekulunga kwami.’ Cha, akunjalo; kuye ngebubi baletive kutsi Simakadze aticoshe embikwenu.