Matewu 24:36 - Siswati 1996 Bible

“Noko kute lowatiko kutsi lelo langa nemzuzu kuyawufika nini, ngisho netingilosi ezulwini neNdvodzana ayati, lowatiko nguBabe kuphela.

Matewu 24:36 Referencias Cruzadas

Zakhariya 14:7

Kuyakuba lilanga leliyincophamlandvo, leliyawubate imini nebusuku, lilanga lelatiwa nguSimakadze. Kuyawutsi nakutakuhlwa, kuvele kukhanya.

Matewu 24:42

Ngako-ke caphelani, ngobe anilati lilanga iNkhosi yenu leyawubuya ngalo.

Matewu 24:44

“Ngako-ke nani hlalani nilindzele, ngobe iNdvodzana yeMuntfu iyawufika ngesikhatsi leningakasibheki.”

Matewu 25:13

“Ngako-ke lindzani, ngobe lilanga nemzuzu ningakwati.”

Makho 13:32

“Kepha noko kute lowatiko kutsi lelo langa nalelo awa kuyawufika nini. Netingelosi tasezulwini atati, neNdvodzana ayati; nguYise kuphela lokwatiko loko.

Imisebenti yebaPhostoli 1:7

Yena waphendvula watsi kubo: “Tikhatsi nematfuba kuhlelwa ngemandla aBabe, akusiko kwenu kwati kutsi kuyakwenteka nini.

1 kubaseThesalonika 5:2

Ngobe nine ngekwenu nati kahle kamhlophe kutsi lilanga leNkhosi liyawufika, njengelisela lifika ebusuku.

2 yaPhetro 3:10

Kepha lilanga leNkhosi liyawufika njengelisela, mhlazana emazulu ayakwendlula ngekuhlokoma; tonkhe tisekelo temkhatsi tiyakusha tincibilike, umhlaba nemisebenti lekuwo kuyawusha.

Sembulo 16:15

“Lalelani! Ngiyawufika njengelisela! Ubusisiwe lolindzile, agcine tingubo takhe kutsi angahambi ngcunu, kudzimate kubonakale lihlazo lakhe.”

Sembulo 3:3

Khumbula-ke loko lokwemukele wakuva, ukugcine, uphendvuke. Nangabe awuvuki ucaphele, ngitawuta kuwe ngikutume njengelisela, ngeke usati sikhatsi lengiyawukufikela ngaso.