Matewu 22:29 - Siswati 1996 Bible

Jesu watsi kubo: “Maye! Nedukile, ngobe aniyati imiBhalo kanye nemandla aNkulunkulu!

Matewu 22:29 Referencias Cruzadas

Genesisi 18:14

Kukhona yini lokungamehlula Simakadze? Njengobe sengishito, ngitawubuya la kuwe ngemnyaka lotako. Sara utawuba nendvodzana.”

Tihlabelelo 17:15

Mine-ke ngiyawububona buso bakho, ngobe ngingulolungile, mhlazana ngivuka ngiyakweneliswa bukhona bakho.

Isaya 25:8

amite kufa phakadze naphakadze. Somandla longuSimakadze uyawukwesula tinyembeti kubo bonkhe buso; uyawususa lihlazo lesive sakhe emhlabeni wonkhe. Simakadze sewukhulumile.

Isaya 26:19

Kodvwa labafile bakho bayawuphila; imitimba yabo iyawuvuka. Nine lenihleti elutfulini lwemhlaba, vukani nimemete ngenjabulo. Ematolo akho anjengematolo asekuseni laphilisako, umhlaba uyawubakhipha labafile bawo.

Jeremiya 32:17

“Awu, Nkhosi Simakadze, wena wenta emazulu nemhlaba ngemandla akho lamakhulu nangengalo yakho leyelulekile. Kute lokulukhuni kakhulu kuwe.

Hoseya 13:14

“Ngiyawubahlawulela yini emandleni elithuna ngibahlenge ekufeni? Ye Kufa, tiphi tifo takho letibulalanako? Ye Thuna, kuphi kubhubhisa kwakho? “Ngiyawubate sihawu.

Matewu 22:28

Pho, nasekuvukwa ekufeni, lomfati uyawuba wabani kulaba labasikhombisa, ngobe bonkhe abengumfati wabo?”

Makho 12:24

Jesu watsi kubo: “Maye, nedukile, kwatisa kutsi nemiBhalo aniyati, futsi nemandla aNkulunkulu aniwati!

Lukha 1:37

Nkulunkulu akehlulwa lutfo.”

Johane 20:9

Noko babenguloku bangawucondzisisi kahle umBhalo lowawutsi kufanele avuswe ekufeni.

Imisebenti yebaPhostoli 26:8

Kwentiwa yini lokutsi nine ningakholwa kutsi Nkulunkulu uyabavusa bantfu labafile?

KubaseRoma 15:4

Konkhe kwasendvulo lokusemBhalweni kwabhalelwa kufundzisa tsine, kuze sibe nelitsemba lelingumphumela wekubeketela newekucinisela lesikutfola kulowo mBhalo.

1 kubaseKorinthe 15:34

Sangulukani; ningaphindzi none, ngobe labanye abamati Nkulunkulu. Ngikusho loko khona nitewuba nemahloni.

KubaseFiliphi 3:21

Nguye loyawugucula simo sebuphansi bemtimba wetfu, ufane nemtimba wakhe wenkhatimulo, ngemandla akhe langahlela ngawo konkhe ngephansi kwakhe.