Matewu 19:21 - Siswati 1996 Bible

Jesu watsi kulo: “Nawufuna kuphelela, hamba utsengise ngako konkhe lonako, uphe labaphuyile, uyawuba nemcebo ezulwini; bese uyabuya uyangilandzela.”

Matewu 19:21 Referencias Cruzadas

Genesisi 17:1

Kwatsi Abrama nasaneminyaka lengema-99 budzala, Simakadze wabonakala kuye watsi: “NginguNkulunkulu Somandla; hamba entsandvweni yami, ube msulwa.

Genesisi 6:9

Nankhu-ke umlandvo ngaNowa. Nowa abelungile amsulwa esitukulwaneni sakhe, ahamba naNkulunkulu.

Jobe 1:1

Eveni lase-Usi kwakunendvodza, libito layo kunguJobe. Lendvodza yayimsulwa, ilungile, futsi imesaba Nkulunkulu, ikubalekela konkhe lokubi.

Tihlabelelo 37:37

Ubombekisa lolungile, umcaphelisise locotfo, ngobe umuntfu wekuthula unelikusasa lelihle;

Matewu 16:24

Jesu wakhuluma kubafundzi bakhe watsi: “Umuntfu nakafuna kungilandzela, akatidzele, etjatse siphambano sakhe, angilandzele.

Matewu 19:20

Lelijaha laphendvula latsi: “Konkhe loku ngikugcinile, manje yini lesasele?”

Matewu 19:22

Lelijaha nalikuva loko, lahamba lidzabukile, ngobe belicebe kakhulu.

Matewu 19:28

Jesu watsi kubo: “Ngicinisile, ngitsi kini: Nine leningilandzelako, kuyawutsi nakudalwa kabusha tintfo tonkhe, ngesikhatsi iNdvodzana yeMuntfu seyihleti esihlalweni senkhatimulo yebukhosi bayo, nani niyawuhlala etihlalweni tebukhosi letili-12, nehlulele tive letili-12 taka-Israyeli.

Matewu 4:19

Jesu watsi kubo: “Ngilandzeleni, ngitawunenta badwebi bebantfu.”

Matewu 5:48

Ngako-ke nani banini ngulabaphelele, njengobe neYihlo losezulwini aphelele.”

Matewu 8:22

Kepha Jesu watsi kuye: “Ngilandzele, uyekele labafile, bangcwabe labafile babo!”

Matewu 9:9

Jesu asengca lapho, wabona umuntfu, libito lakhe kunguMatewu, ahleti endzaweni yekutselisa, watsi kuye: “Ngilandzele!” Nembala wasukuma wamlandzela.

Makho 10:21

Jesu asambuka wamtsandza watsi kuye: “Kunye lokusasele kutsi ukwente: Hamba uyewutsengisa ngako konkhe lonako, wabele labamphofu lemali, khona uyawuba

Makho 2:14

Watsi uyendlula ngasendzaweni yekutsela, wabona Levi, umsa wa-Alfiyose, ahleti, asebenta, wase utsi kuye: “Kota ungilandzele.” Levi wasukuma wahamba naye.

Makho 8:34

Jesu wabita bafundzi bakhe kanye nesicuku watsi kubo: “Umuntfu nakafuna kungilandzela, akatidzele, etjatse siphambano sakhe angilandzele.

Lukha 12:33

Tsengisani ngako konkhe leninako, bese nabela labeswele. Tiphatseleni tipatji letingagugi, nigcine umcebo wenu ezulwini, lapho ungeke unciphe khona, kute nelisela lelingefika kuwo, kute ngisho nemvunya longawudla.

Lukha 14:33

Jesu wagcina ngekutsi: “Kunjalo-ke nakini, kute longaba ngumfundzi wami ngaphandle kwekutsi adzele konkhe lanako.”

Lukha 16:9

Jesu wachubeka watsi: “Nginitjela ngitsi: Tenteleni bangani ngemcebo wemhlaba, kuze kutsi ungaphela banemukele ekhaya laphakadze.

Lukha 18:22

Nakakuva loko Jesu, watsi kuyo: “Kusadzingeka wente intfo yinye, tsengisa ngako konkhe lonako, bese wabela timphuya lemali, uyawuba nemcebo ezulwini, bese uyeta uyangilandzela.”

Lukha 5:27

Emvakwaloko Jesu waphuma wahamba, wabona Levi labengumtselisi ahleti endzaweni yekutsela, watsi kuye: “Ngilandzele!”

Lukha 6:40

Umfundzi akamkhulu kunemfundzisi wakhe, kodvwa wonkhe umfundzi nasafundziswe ngalokuphelele, uyawuba njengemfundzisi wakhe.

Lukha 9:23

Wase utsi kubo bonkhe: “Lofuna kungilandzela, kufanele atidzele, etjatse siphambano sakhe onkhe emalanga, angilandzele.

Johane 10:27

Timvu tami tiyaliva livi lami, nami ngiyatati; tiyangilandzela.

Johane 12:26

Lowo losikhonti sami akangilandzele, lapho ngikhona khona mine nesisebenti sami siyawuba khona. Losikhonti sami uyawutuswa nguBabe.”

Imisebenti yebaPhostoli 2:45

Batsengisa ngetitandi, nangemapulazi nangetimphahla tabo bentela kwenetisana ngaleyo mali, kuye ngekutsi lowo nalowo udzingani.

KumaHebheru 10:34

Naba nesihawu kulabo bebaboshiwe, nacinisela ngekujabula nanemukwa timphahla tenu, ngobe nanati kutsi nine ninalokuncono lokukhonsako.