Titsintsitseni kuto tonkhe letono tenu lebesenitentile, nitfole inhlitiyo lensha nemoya lomusha. Nitawufelani nje, ninendlu yaka-Israyeli?
Matewu 13:23 - Siswati 1996 Bible Lena leyayihlanyelwe emhlabatsini lovundzile ifanekisa lowo lolivako livi, alicondze, bese utsela titselo: lomunye ngelikhulu, lomunye ngema-60, nalomunye ngema-30.” |
Titsintsitseni kuto tonkhe letono tenu lebesenitentile, nitfole inhlitiyo lensha nemoya lomusha. Nitawufelani nje, ninendlu yaka-Israyeli?
Ngiyawuninika inhlitiyo lensha, ngifake umoya lomusha ekhatsi kini; ngiyawuyikhipha inhlitiyo lelitje kini, ngininike inhlitiyo yenyama.
“Nangabe sihlahla simnandzi, netitselo taso tiyawuba mnandzi, nome-ke nangabe sihlahla sisibi, netitselo taso tiyawuba timbi; ngobe sihlahla satiwa ngetitselo taso.
Kodvwa lenye yawela emhlabatsini lovundzile, yatsela titselo: lenye ngelikhulu, lenye ngema-60, lenye ngema-30.
Nanyalo lizembe libekiwe etimphandzeni tetihlahla, ngako-ke sihlahla lesingatseli titselo letihle siyajutjwa sifakwe emlilweni.
Ngicinisile, ngitsi kini: Lowo longawemukeli umbuso waNkulunkulu njengemntfwana, angeke angene kuwo.”
Kuhlanyelwa emhlabatsini lovundzile kufanekisa labo labalivako livi balemukele batsele titselo: ngema-30 nome ngema-60 nome ngelikhulu.”
Nangabe-ke sitsela nyakenye, kuyawuba ncono; kodvwa nasingatseli, utabe sewuyasijuba-ke.’ ”
Kuhlanyelwa kwaleyo leyawela emhlabatsini lovundzile kufanekisa labo labalivako livi laNkulunkulu baligcine ngekutitfoba lokukhulu babeketele, baze batsele titselo letihle.”
Lenye yawela emhlabatsini lovundzile, yamila, yatsela ngemakhulu.” Jesu wase utsi-ke: “Lonendlebe yekuva akeve!”
Akusini lenangikhetsa, kodvwa ngimi lenganikhetsa nganitfuma kutsi nihambe nitsele titselo letinyenti, leto titselo time futsi, kuze kutsi nobe yini leniyakuyicela kuBabe egameni lami aniphe yona.
“Umuntfu lowaNkulunkulu uyaweva emavi aNkulunkulu, ngiko nje nine ningeva, ngobe anisibo baNkulunkulu.”
Lomunye walabo lowasilalela nguLidiya, waseThiyathira, umtsengisi wetingubo letibukhwebeletane; abengumfati losikhonti saNkulunkulu. INkhosi yavula inhlitiyo yakhe kuze eve emukele loko lokwakukhulunywa nguPawula.
Bantfu balapho babencono kakhulu kunebaseThesalonika, ngobe livi balemukela ngalenkhulu inshisekelo. Onkhe emalanga babephenyisisa imiBhalo bahlolisise kutsi kunjalo ngempela yini.
Lowo lonika inhlanyelo kumhlanyeli ephane ngesinkhwa sekudliwa, uyawuninika inhlanyelo aphindze ayente imile ikhule, asandzise nesivuno sekunikela kwenu ngekwephana.
Nitsele inala yetitselo tekulunga letingaye Jesu Khristu, kube yinkhatimulo neludvumo kuNkulunkulu.
Akusho kutsi ngifuna sipho, kodvwa ngifuna sitselo saso lesingusona sitakwandzisa inzuzo kini.
Sinicelela nekutsi niphile imphilo lefanele naletsandzekako eNkhosini, nitsele titselo emsebentini wonkhe lolungile, futsi nikhule nasekumatini Nkulunkulu.
Lona lifike kini, njengaloku likhona nasemhlabeni wonkhe jikelele; futsi litsela titselo landze, njengobe nakini kunjalo, seloku kwesukela mhlazana niva kahle ngebunjalo beliciniso lemusa waNkulunkulu.
Bazalwane betfu, nafundza kitsi kutsi nifanele nitiphatse njani kuze nijabulise Nkulunkulu, njengobe besenivele nenta. Ngako-ke ngephetsa ngekunincenga kutsi nichubeke nikhutsale kakhulu kukwenta loko,
nayo yonkhe inkhohliso yekwedukisa lababhubhako, ngobe abazange balitsandze liciniso laKhristu labebangasindziswa ngalo.
LiVangeli lishunyayelwe kitsi, njengobe lashunyayelwa nakulabo bakadzeni. Kodvwa lelivi labaliva alizange libasite; ngobe naloku baliva ngetindlebe nje abazange balikholwe ngetinhlitiyo.
Umhlabatsi lonatsa emanti emvula nayina njalo nje, bese umilisa tilimo letiba lusito kulabo labawulimako, ubusiswa nguNkulunkulu.
“Ngulesi-ke sivumelwane lengiyawusenta nendlu yaka-Israyeli ngetikhatsi letitako,” isho iNkhosi, itsi: “Ngiyawufaka imisetfo yami etingcondvweni tabo, ngiyibhale etinhlitiyweni tabo, ngibe nguNkulunkulu wabo, bona babe sive sami.
Kodvwa khulani emseni nasekuyatini iNkhosi neMsindzisi wetfu Jesu Khristu. Ludvumo alube kuye manje kuze kube phakadze. Amen.
Siyati kutsi iNdvodzana yaNkulunkulu ifikile yasipha kucondzisisa kahle, khona sitewumati Nkulunkulu longuye sibili; tsine-ke sikuye Nkulunkulu sibili, eNdvodzaneni yakhe lenguJesu Khristu. Nguye longuNkulunkulu sibili, nalokuphila lokuphakadze.