Matewu 12:30 - Siswati 1996 Bible

“Longekho ngakimi, umelene nami; nalongabutsi kanye nami, uyasakata.

Matewu 12:30 Referencias Cruzadas

Genesisi 49:10

Bukhosi bungeke busuke esandleni saJuda. Titukulwane takhe tiyawubusa njalonjalo, tive tiyakwetfula kuye timlalele.

Tihlabelelo 94:16

Ngubani longangisita kulababi? Ngubani longangiphendvula kulabaphambene nami?

Taga 11:24

Umuntfu lowephana ngemali yakhe wandzisa umcebo wakhe; lomunye uyemana, asuke agcine asaluphuya.

Hoseya 1:11

Bantfu bakaJuda nebantfu baka-Israyeli bayawuphindze bahlanganiswe, bese babeka umholi wabo abe munye, bahlume eveni labo, ngobe liyawuba likhulu lelo langa lakaJezreyeli.

Matewu 12:29

“Futsi umuntfu angangena kanjani endlini yesichwaga, atsatse timphahla taso, ngaphandle kwekubopha lesichwaga kucala; bese-ke uchwaga lendlu?

Matewu 6:24

“Kute umuntfu longakhonta emakhosi lamabili; ngobe uyakutondza lenye, atsandze lenye; uyakwetsembeka kulenye ayedzelele lenye. Ungeke ukhonte Nkulunkulu nemcebo.

Makho 9:40

Ngobe lowo longakemelani natsi, ukanye natsi.

Lukha 11:23

“Wonkhe longekho ngakimi, uphambene nami; longangisiti ekubutseni, uyasakata.”

Lukha 9:50

Jesu wase utsi kuye: “Ningamyekelisi, ngobe longalwi nani ungakini.”

Johane 11:52

kungesiso sive kuphela, kepha kuze atekubutsela ndzawonye bantfwana baNkulunkulu, labasakateke nemhlaba wonkhe, babe munye.

Joshuwa 24:15

Kodvwa nangabe kukhonta Simakadze kubonakala kungatsandzeki kini, ngako khetsani lamuhla kutsi nitawukhonta bani, nome bonkulunkulu lababekhontwa bokhokho benu ngesheya kweMfula, nome bonkulunkulu bema-Amori, akulelive lese nakhe kulo. Kodvwa mine nendlu yami sitawukhonta Simakadze.”

Joshuwa 5:13

Joshuwa nasasedvute neJerikho watsi uphakamisa emehlo, wabona indvodza ime embikwakhe ihoshule inkemba yayo iyiphetse ngesandla sayo. Joshuwa wasondzela kuyo wayakuyibuta, wafike watsi: “Ukanye natsi yini nome umelene natsi?”

1 yaJohane 2:19

Baphuma emkhatsini wetfu, kodvwa babevele bangesibo bakitsi, ngobe kube bebabakitsi, ngabe bachubeka kanye natsi. Noko kwakufanele kutsi kubonakale kutsi kute namunye wabo labewakitsi.