Matewu 11:21 - Siswati 1996 Bible Watsi: “Maye kuwe, Khorazini! Maye nakuwe, Bhethsayida! Ngobe kube lemisebenti yemandla lebeyenteke kini beyenteke eThire naseSidoni, ngabe kadze batitsela ngemlotsa bembatsa emasaka bakhombisa kuphendvuka. |
konkhe kuphinga kwakho, nako konkhe kushangashangiswa kwakho yinkhanuko, nebugwadla bakho lobulihlazo! Ngitibonile tento takho letisinengiso emagcumeni nasetikhotseni. Awu, nako kuwe, Jerusalema! Uyawuhlala ungcolile kuze kube ngunini?”
“Pho, yini leniphambane ngayo nami, nine Thire neSidoni kanye nani nonkhe nine tifundza taseFilistiya? Kungabe nikhokha sibhongobhongo ngalengikwentile yini? Nangabe nikhokha sibhongobhongo, ngekushesha nangekuphatima kweliso, ngitawubuyisela etikwetinhloko tenu loko lenikwentile.
Naku lokushiwo nguSimakadze, utsi: “Bantfu baseThire bone kwaze kwengca, ngaleso sizatfu ngingeke ngihlale ngingabajezisi. Batfumba yonkhe imindeni yesive bayitsengisa ka-Edomu, bangete basigcina sivumelwane sebuhlobo lesasentiwe.
Kepha ngitsi kini: Kuyawuba ncono kuyo iThire neSidoni kunakini ngelilanga lekwehlulela.
Maye kulomhlaba ngekutsi kukhona tikhubekiso, ngobe tikhubekiso kufanele kutsi tibe khona, kodvwa maye kulowo muntfu letita ngaye!
INdodzana yeMuntfu itawufa kambe, njengobe kubhaliwe ngayo, kepha maye kulowo muntfu, iNdvodzana yemuntfu letawutsengiswa nguye! Bekuyawuba ncono kulowo muntfu kube fane akatalwanga!”
Letinye ticumbi tatiphuma eJerusalema, nase-Idumiya, nangesheya kweJordane, nangasemadolobheni aseThire naseSidoni. Tonkhe leticumbi tatite kuye, ngobe tative ngaloko abekwenta.
Masinyane Jesu wangenisa bafundzi bakhe esikebheni, wabahambisa ngembili kwakhe, wabewetela ngesheya eBhethsayida, yena wasala ahambisa lesicuku sebantfu.
Jesu wesuka lapho wahamba waya esigodzini saseThire [naseSidoni]. Wefika wangena endlini wabhaca, kodvwa abengenakutifihla.
Jesu wesuka esifundzeni saseThire wayakujika eSidoni, wadzabula sifundza saseDekhapholisi acondze eLwandle lwaseGalile.
Jesu watsi efika nje eBhethsayida, baletsa kuye imphumphutse, bamcela kutsi ayitsintse ngesandla.
Noko Elija akatfunyelwanga ngisho nakumunye wabo, kepha watfunyelwa kulomfelokati abewaseSarepta, esigodzini saseSidoni.
Wehla nabo, wefika wema endzaweni leyayibekile kanye nabo bonkhe bafundzi bakhe labanyenti. Sicumbi sebantfu sase sikhona lapho siphuma eJudiya lonkhe, naseJerusalema, naselusentseni lwelwandle lwaseThire naseSidoni.
Nase babuyile baphostoli, bafike batjela Jesu konkhe lababekwentile. Wase uhamba nabo uya edolobheni eBhethsayida.
Wona-ke aya kuFiliphu waseBhethsayida laseGalile, afike atsi kuye: “Nkhosi, sicela kubona Jesu.”
Wabatfukutselela kakhulu Herodi bantfu baseThire naseSidoni; ngako-ke baya kanyekanye bayawubonana naye. Kwekucala bavumelana naBlastusi, labengumgcini wesigodlo. Baya kuHerodi bayawucela kuthula, ngobe live labo lalitfola kudla eveni lakhe.
Ngakusasa sangenisa eSidoni, naJuliyusi wamphatsa kahle Pawula, wamvumela nekutsi ayewubonana nebangani bakhe asho nekusho kutsi abonakekelwa kahle.
Maye kubo, ngobe bahamba ngendlela yaKhayini; bagijimela ekwedukeni kwaBhalamu ngenca yemvuzo; bahlubukile njengaKhora, nabo babhubha.
Bofakazi bami lababili labembetse emasaka ngiyawubanika emandla ekuphrofetha emalanga layi-1 260.”
Latsi liWundlu nalicatulula luphawu lwesitfupha, ngabona kutamatama lokukhulu kwemhlaba. Lilanga laba mnyama njengendvwangu yelisaka leboya, inyanga yaba njengengati.