Matewu 10:23 - Siswati 1996 Bible

Nabanitingela kulelinye lidolobha, nibobalekela kulelinye; ngobe ngicinisile, ngitsi kini: Ningeke niwacedze onkhe emadolobha aka-Israyeli, iNdvodzana yemuntfu ingakabuyi.

Matewu 10:23 Referencias Cruzadas

Jeremiya 26:21

Kwatsi inkhosi Jehoyakimu nato tonkhe tindvuna takhe netiphatsimandla takhe nativa lamavi a-Uriya, inkhosi yahlosa kumbulala. Kodvwa Uriya weva ngaloko, wase ubalekela eGibhithe ngenca yekwesaba.

Matewu 16:27

Ngobe iNdvodzana yeMuntfu iyawufika ngenkhatimulo yeYise, ikanye netingilosi tayo, ngulapho-ke iyawukhokhela wonkhe umuntfu njengekwenta kwakhe.

Matewu 16:28

Ngicinisile, ngitsi kini: Kukhona labanye la emkhatsini wenu labangeyikuva kufa, badzimate bayibone iNdvodzana yeMuntfu ita embusweni wayo.”

Matewu 2:13

Kwatsi kube tati tisuke lapho, ingilosi yeNkhosi yatibonakalisa kuJosefa ephusheni itsi: “Vuka, utsatse umntfwana nenina, nibalekele eGibhithe, nifike nihlale khona niyawuze nitjelwe ngimi; ngobe Herodi utawufuna lomntfwana kuze ambulale.”

Matewu 23:34

Ngako nginitjela kutsi: Ngiyawunitfumelela baphrofethi, netati, nebafundzisi. Labanye babo niyawubabulala, nibabetsele etiphambanweni, labanye nibabhambabule emasinagogeni enu. Niyawubatingela emadolobha ngemadolobha;

Matewu 23:36

Ngicinisile, ngitsi kini: Konkhe loku kuyakwehlela etikwalesitukulwane.”

Matewu 24:27

Ngobe iNdvodzana yeMuntfu iyawufika njengembane umanyata esibhakabhakeni kusukela emphumalanga kuye enshonalanga.

Matewu 24:30

“Lapho-ke kuyawubonakala sibonakaliso seNdvodzana yeMuntfu esibhakabhakeni; tonkhe tive temhlaba tiyawukhala natibona iNdvodzana yeMuntfu ita ngemafu elizulu, ngemandla, nangenkhatimulo lenkhulu.

Matewu 24:34

Ngicinisile, ngitsi kini: Lesitukulwane ngeke sendlule kungakenteki konkhe loku.

Matewu 24:48

Kodvwa nangabe leso sisebenti lesibi sicabanga enhlitiyweni yaso sitsi: ‘Inkhosi yami isalibele,’

Matewu 25:13

“Ngako-ke lindzani, ngobe lilanga nemzuzu ningakwati.”

Matewu 26:64

Jesu waphendvula watsi: “Usho kona. Noko ngitsi kini: “ ‘Kusukela manje seniyakuyibona iNdvodzana yeMuntfu ihleti ngesekudla saLonemandla, ita ngemafu asezulwini.’ ”

Matewu 4:12

Watsi Jesu nakeva kutsi Johane abesafakwe ejele, wahamba waya eGalile.

Makho 13:26

“Lapho-ke bayawuyibona iNdvodzana yeMuntfu ita ngemafu inemandla lamakhulu nebukhosi.

Lukha 18:8

Nginitjela kutsi uyawubevela ngekushesha. Kodvwa ingabe iNdvodzana yeMuntfu nayibuyako iyawukukhandza kukhona yini kukholwa emhlabeni?”

Lukha 21:27

Kusenjalo iNdvodzana yeMuntfu iyawubonakala, ita ngelifu ngemandla lamakhulu neludvumo.

Johane 7:1

Emvakwaloko Jesu walihambahamba laseGalile; akatsandzanga kuya eJudiya, ngobe emaJuda abefuna kumbulala.

Imisebenti yebaPhostoli 17:10

Kwatsi ebusuku bazalwane bababalekisa boPawula naSilasi babatfumela eBheriya. Batsi kube befike khona bangena esinagogeni lemaJuda.

Imisebenti yebaPhostoli 17:14

Masinyane bazalwane babalekisa Pawula bamyisa elusentseni lwelwandle, kodvwa boSilasi naThimothi basala eBheriya.

Imisebenti yebaPhostoli 20:1

Emvakwalesiphitsiphitsi Pawula wabita labakholwako wabakhutsata, wabavalelisa, wabashiya, waya eMasedoniya.

Imisebenti yebaPhostoli 8:1

Sawula abevumelene nabo kutsi abulawe loStefano. Ngalo lelo langa libandla laseJerusalema lacala lahlupheka ngekutingelwa kabuhlungu. Onkhe emakholwa, ngaphandle kwebaphostoli, asakateka netigodzi tonkhe taseJudiya naseSamariya.