Malakhi 1:8 - Siswati 1996 Bible

Naniletsa tifuyo letitindlobho kutsi titewuba ngumhlatjelo, kulungile yini loko? Nanenta umhlatjelo ngesifuyo lesichutako nome lesigulako, kulungile yini loko? Yetamani kunikela ngato kumbusi wenu! Anganijabulela yini? Anganemukela yini?” kusho Simakadze longuSomandla.

Malakhi 1:8 Referencias Cruzadas

Jobe 42:8

Ngako-ke tsatsani tinkunzi letisikhombisa netihhanca letisikhombisa, nihambe niye kuJobe, inceku yami, nifike ninikele ngato, tibe ngumnikelo wenu wekushiswa. Jobe, inceku yami, utanithandazela, mine-ke ngitawemukela nalomthandazo wakhe nginganiphatsi kamatima njengalokufanele bulima benu. Anikakhulumi lokuhle ngami njengobe Jobe, inceku yami, akhulumile.”

Tihlabelelo 20:3

Akayikhumbule yonkhe iminikelo yakho, ayemukele neminikelo yakho yekushiswa. Cabanga.

Jeremiya 14:10

Naku lokushiwo nguSimakadze ngalesive, utsi: “Bakutsandza kakhulu kuzulazula; abatibambi tinyawo tabo. Ngako Simakadze akabemukeli, nyalo sewutabukhumbula nebubi babo, abajezisele tono tabo.”

Hoseya 8:13

Banikela ngemihlatjelo lenikwe mine, bese badla lenyama, kodvwa Simakadze akajabuli ngayo. Manje sewutabukhumbula bubi babo, abajezisele tono tabo: Bayawubuyela eGibhithe.

Hagayi 1:1

Ngemnyaka wesibili wekubusa kwenkhosi Dariyusi ngelilanga lekucala lenyanga yesitfupha, livi laSimakadze lefika ngaHagayi, umphrofethi, kuZerubhabheli, umsa waSheyaltiyeli, umbusi wakaJuda, nakuJeshuwa, umsa waJehosadaki, umPhristi Lomkhulu, latsi:

Malakhi 1:10

“Awu, shangatsi lomunye wenu angavala iminyango yelithempeli, kuze ningetikuyokhela imililo lengenamsebenti elatini lami! Angijabuli ngani, futsi ngingeke ngiwemukele umnikelo lophuma etandleni tenu,” kusho Simakadze longuSomandla.

Malakhi 1:7

“Nibeke kudla lokungcolile ngekwemtsetfo etikwelilati lami. “Kodvwa niyabuta nitsi: ‘Sikungcolise kanjani?’ “Ngekutsi nitsi litafula laSimakadze liyenyanyeka.

Dutheronomi 15:21

Nangabe sifuyo sichwalile, sichuta nome siyimphumphutse, nome sinesiyela lesibi kabi, ungacali usente umhlatjelo kuSimakadze Nkulunkulu wakho.