Makho 9:25 - Siswati 1996 Bible

Jesu watsi kube abone sicumbi sibutsana, wawekhuta lomoya lomubi watsi: “Moya webumungulu nebuhhulu! Ngiyakutjela ngitsi: Phuma kuye! Ungaphindzi futsi ubuye kuye!”

Makho 9:25 Referencias Cruzadas

Zakhariya 3:2

Simakadze wakhuluma kuSathane, watsi: “Simakadze uyakwekhuta wena Sathane! Simakadze, lokhetse iJerusalema, uyakukwekhuta! Lendvodza ayisiso sikhuni lesivutsako yini lesephulwe emlilweni?”

Matewu 12:22

Khona kwase kuletfwa kuye umuntfu labenelidimoni ayimphumphutse angakhulumi, wamphilisa. Kwatsi lona bekasimungulu wakhuluma wabona.

Matewu 17:18

Jesu walekhuta lelidimoni, lomfana waphila ngaleso sikhatsi.

Makho 9:15

Masinyane nje sicuku satsi kube simbone Jesu, samangala kakhulu, sagijima saya kuye sayawumbingelela.

Makho 9:24

Masinyane uyise walomfana wakhala amemeta atsi: “Ngiyakholwa, sita kungakholwa kwami.”

Makho 9:26

Lidimoni latswilila, lamhlukumeta kamatima lomfana, laphuma kuye. Lomfana walala watsi dzalakaca, wafanana nesidvumbu. Labanyenti babo badzimate batsi: “Ufile.”

Lukha 11:14

Jesu abekhipha lidimoni lelingakhulumi; nasalikhiphile lelidimoni, lendvodza yacala yakhuluma; tamangala ticumbi tebantfu,

Lukha 4:35

Jesu wawekhuta lomoya watsi: “Thula! Phuma futsi kulomuntfu!” Lidimoni lamjika phansi embikwabo bonkhe, noko laphuma kuye lingakamlimati.

Lukha 4:41

Kwaphuma nemadimoni ebantfwini labanyenti. Amemeta atsi: “Wena uyiNdvodzana yaNkulunkulu!” Jesu abewekhuta angawavumeli kutsi akhulume, ngobe abemati lamadimoni kutsi unguKhristu.

Lukha 8:29

Yayisho loko nje, ngobe Jesu abesawekhutile lomoya lomubi kutsi awuphume kuyo. Lomoya wase uyibambe kanyenti kwale nome seyibanjwe njengesiboshwa, yaboshwa tandla netinyawo ngetinketane. Yayitidzabula itilahle le, lelidimoni liyihambise iyewuhlala etsafeni.

Lukha 9:42

Watsi naketa lomfana, lidimoni lamjika phansi, waba nesitfutfwane. Jesu wawekhuta lomoya lomubi, wamphilisa lomfana, wase umbuyisela kuyise.

Imisebenti yebaPhostoli 16:18

Loku wakwenta emalanga lamanyenti, kodvwa Pawula wacansuka waze wagucuka watsi kulomoya: “Ngiyakuyala ngelibito laJesu Khristu ngitsi: Phuma kuye!” Umoya lomubi waphuma kuye ngaleso sikhatsi.

YaJuda 1:9

Ngisho naMikhayeli, ingilosi lenkhulu, mhlazane abangisana naSathane ngesidvumbu saMosi, akazange asayikhiphe inhlamba, kuze amehlule. Lakusho nje kwaba kutsi: “INkhosi ayikukhalimele.”