Makho 7:10 - Siswati 1996 Bible Mosi watsi: ‘Hlonipha uyihlo nenyoko,’ nekutsi: ‘Umuntfu lowetfuka uyise nome unina, akabulawe afe.’ |
Umuntfu localekisa uyise nome unina siphetfo sakhe siyawufanana nekucima kwesibane ebumnyameni lobuphatsekako.
Liso leliphukuta uyise, ledzelele nenina nasagugile, liyawukhokhwa ngemahhwabayi; yebo, lowo muntfu uyawuba kudla kwemangce.
“ ‘Umuntfu localekisa uyise nome unina, kufanele abulawe, ngobe sewucalekise uyise nome unina; ingati yakhe iyawubasetikwakhe.
Ngobe Nkulunkulu watsi: ‘Hlonipha uyihlo nenyoko,’ nekutsi: ‘Wonkhe lokhuluma kabi ngeyise nome ngenina, ufanele afe nekufa.’
Uyayati imiyalo letsi: ‘Ungabulali, ungaphingi, ungebi, ungafakazi emanga, ungatsatsi lutfo ngebucili, hlonipha uyihlo nenyoko.’ ”
“ ‘Ucalekisiwe umuntfu lowedzelela uyise nome unina.’ “Bonkhe bantfu bayawuphendvula batsi: ‘Amen.’
“ ‘Hlonipha uyihlo nenyoko, njengobe Simakadze Nkulunkulu wakho akuyala, khona utewuphila sikhatsi lesidze kuze kukuhambele kahle eveni Simakadze Nkulunkulu wakho lakupha lona.