Makho 5:34 - Siswati 1996 Bible

Jesu watsi kuye: “Ndvodzakati yami, kukholwa kwakho kukuphilisile. Hamba ngekuthula, uphile esifeni sakho.”

Makho 5:34 Referencias Cruzadas

2 Emakhosi 5:19

Elisha wakhuluma watsi: “Hamba kahle.” Watsi Namani nasahambe libanga lelidze,

Umshumayeli 9:7

Hamba udle kudla kwakho ngenjabulo, unatse liwayini lakho ngenhlitiyo lejabulako, ngobe Nkulunkulu uyakuvumela kuloku lokwenta nyalo.

Levithikusi 14:48

“Kodvwa nangabe umphristi utsite nakahlolisisa, wakhandza kutsi lesifo asikandzi nalolubondza emvakwekwakhiwa kabusha, kufanele ayetfule kutsi ihlambulukile, ngobe phela lesifo sesiphelile.

Matewu 9:2

Baletsa kuye umuntfu lobekafe luhlangotsi alaliswe eluhlakeni. Nakabona kukholwa kwabo, Jesu watsi kulobekafe luhlangotsi: “Mani sibindzi, ndvodzana yami! Tono takho titsetselelwe.”

Matewu 9:22

Jesu wagucuka wambuka watsi: “Mani sibindzi, ndvodzakati, kukholwa kwakho kukuphilisile.” Kusukela kuleso sikhatsi lomfati waphila.

Makho 10:52

Jesu watsi kuyo: “Hamba; kukholwa kwakho kukuphilisile.” Masinyane avuleka emehlo ayo abona, yase ilandzela Jesu eluhambeni lwakhe.

Makho 3:10

Loko wakwenta emvakwekuphilisa labanyenti. Bonkhe lababenetifo babephangelana kuye batewumtsintsa.

Makho 5:29

Kopha kwancamuka khona lapho, wativa asaphilile esifeni lebesimphetse.

Makho 5:33

Kodvwa lomfati ati kahle kutsi kwentekeni kuye, wasondzela ngembili achachatela, ngenca yekwesaba, waguca phansi embikwakhe, wamtjela lonkhe liciniso.

Lukha 17:19

Wase utsi kuye: “Sukuma uhambe; kukholwa kwakho kukusindzisile.”

Lukha 18:42

Jesu watsi kuyo: “Bona; kukholwa kwakho kukuphilisile.”

Lukha 7:50

Kodvwa Jesu wase utsi kulomfati: “Kukholwa kwakho kukusindzisile, hamba ngekuthula.”

Lukha 8:48

Jesu watsi kuye: “Ndvodzakati, kukholwa kwakho kukusindzisile; hamba ngekuthula.”

Imisebenti yebaPhostoli 14:9

Yalalela emavi aboPawula. Pawula wabona kutsi iyakholwa kutsi ingaphiliswa, ngako-ke wayibukisisa,

Imisebenti yebaPhostoli 15:33

Bahlala sikhatsi lapho. Bazalwane base bayabakhulula kutsi bancandzeke ngekuthula, babaphatsisa nemikhontiso yabo leyayiya kulabo bazalwane labebabatfumile. [

Imisebenti yebaPhostoli 16:36

Umgcinijele watjela Pawula watsi: “Timantji titfumele livi lekutsi Silasi nawe anikhululwe. Ngako-ke seningaphuma, nihambe ngekuthula.”

YaJakobe 2:16

bese-ke lomunye emkhatsini wenu utsi kubo: “Hambani ngekuthula, nifutfumale, nesutse,” ngaphandle kwekubapha loko labakudzingako emtimbeni, kusitani loko?

1 Samuweli 1:17

Eli waphendvula watsi: “Hamba ngekuthula, shangatsi Nkulunkulu wema-Israyeli angakupha loko lokucele kuye.”

1 Samuweli 20:42

Jonathani wakhuluma kuDavide, watsi: “Hamba ngekuthula, ngobe lobungani betfu sesibufungele egameni laSimakadze satsi: ‘Simakadze ungufakazi emkhatsini wetfu sobabili nasemkhatsini wetitukulwane tetfu phakadze naphakadze.’ ” Davide wahamba, naJonathani wancandzeka, wabuyela emuva edolobheni.