Ngako-ke ngiyawuyinika sabelo emkhatsini walabakhulu, iyakwehlukanisa imphango nalabanemandla, ngobe yatfululela kuphila kwayo ekufeni, yabalwa kanye netoni. Ngobe yetfwala tono talabanyenti, yancusela toni.”
Ngako-ke ngiyawuyinika sabelo emkhatsini walabakhulu, iyakwehlukanisa imphango nalabanemandla, ngobe yatfululela kuphila kwayo ekufeni, yabalwa kanye netoni. Ngobe yetfwala tono talabanyenti, yancusela toni.”
Inceku yakhe yakhula embikwakhe njengelihlumela lelitsambile, nanjengemphandze emhlabatsini lowomile. Yayite buhle nome bukhosi kuze isikhange kutsi sisondzele kuyo, kute lebeyibonakala inako lokwakungenta kutsi siyilangatelele, siye kuyo.
Lomncane wenu uyawuba yinkhulungwane, lophansi kakhulu abe sive lesinemandla. NginguSimakadze, ngesikhatsi sako ngiyawukwenta loko ngekushesha lokukhulu.”
Umbuso wakhe uyawukhula, kuthula nenhlalakahle kungeke kuphele. Uyawubusa esihlalweni sebukhosi saDavide, nasembusweni wakhe. Uyakuwumisa awusekele ngekwemtsetfocotfo nangekulunga, kusukela kuleso sikhatsi kuze kube nguphakadze naphakadze. Inshisekelo yaSimakadze longuSomandla iyawukwenta loko.
Ngalelo langa Simakadze uyawubavikela labo labahlala eJerusalema, kuze kutsi lababutsakatsaka kakhulu emkhatsini wabo babe njengaDavide, bese kutsi indlu yaDavide yona ifanane naNkulunkulu, ibe njengengilosi yaSimakadze lehamba embikwabo.
“Tive letinyenti tiyawutihlanganisa naSimakadze ngalelo langa, tibe sive sami. Ngiyawuhlala emkhatsini wenu, nani niyawukwati-ke kutsi Simakadze longuSomandla ungitfume kini.
“Libito lami liyawuba likhulu etiveni kusukela ekuphumeni kwelilanga kuze kube ngusekushoneni kwalo. Kuyo yonkhe indzawo imphepho neminikelo lehlantekile iyawuletfwa kulo Libito lami, ngobe Libito lami liyawuba likhulu etiveni,” kusho Simakadze longuSomandla.
Jesu wabuta watsi: “Kodvwa umbuso waNkulunkulu singawufananisa nani nje? Singawubekisa ngani kodvwa?
Kepha umuntfu nakayihlanyela emhlabatsini, itsi ingamila, ikhule ibe sihlahla lesikhulu lesiveta emagala lamakhulu lanemtfunti, ngisho netinyoni tesiganga tifike takhe tidleke tato kuso.”
INkhosi yabaphendvula yatsi: “Kube beningaba nekukholwa lokungangenhlavu yendlulamitsi, beningatsi kulesihlahla: ‘Dzephuneka uyewumila elwandle!’ Besiyawunilalela.”
Labo labalemukela livi lakhe babhajatiswa; babengacishe babe ti-3 000 tebantfu letengetelwa kubo ngalelo langa.
Batsi kube bamuve bonkhe, badvumisa Nkulunkulu. Base batsi kuPawula: “Uyabona-ke, mzalwane, kukhona tinkhulungwane temaJuda letikholwako, bonkhe babambelele kakhulu emtsetfweni.
Kodvwa lesicuku sabo sengeteka kakhulu ngebantfu labakholwa eNkhosini, labadvuna nalabasikati.
Ingilosi yesikhombisa yashaya licilongo layo, kwase kuba nemisindvo lemikhulu kakhulu ezulwini itsi: “Umbuso walomhlaba sengumbuso weNkhosi yetfu, naKhristu wakhe; iyawubusa kuze kube phakadze naphakadze!”