Makho 2:22 - Siswati 1996 Bible

Liwayini lelisha alitselwa kuso sikhumbasikhwama lesidzala, ngobe nakungentiwa njalo, lesikhumbasikhwama singapumuka, kucitseke leliwayini. Esikhundleni saloko liwayini lelisha kufanele litselwe kuso sikhumbasikhwama lesisha, kuze kutsi kokubili kuphatsane kahle.”

Makho 2:22 Referencias Cruzadas

Jobe 32:19

Lapha ngekhatsi kwami nginjengeliwayini lelivalelwe ebhodleleni, njengetikhumbasikhwama teliwayini lelisha lesetifuna kupumuka.

Tihlabelelo 119:80

Shangatsi inhlitiyo yami ingagcina timiso takho, kuze ngingehlelwa ngemahloni, ngihlazeke.

Tihlabelelo 119:83

Kambe mine ngisewani nje? Sengifanana neludzengelo lolusetaleni, noko imiyalo yakho angikayikhohlwa.

Matewu 9:17

Kute nalongatsela liwayini lelisha kuso sikhumbasikhwama lesidzala, ngobe nakenta njalo, lesikhumbasikhwama singapumuka, kucitseke leliwayini. Esikhundleni saloko, liwayini lelisha litselwa kuso sikhumbasikhwama lesisha, kuze kutsi kokubili kuphatsane kahle.”

Makho 2:21

“Ingubo lendzala ayichitjelwa ngesichibi lesisha. Nakungentiwa njalo, lesichibi lesisha singadzabula lengubo lendzala, kwenteke imbobo lenkhulu kuneyakucala.

Makho 2:23

Ngalelinye liSabatha Jesu abehamba ngendlela ledzabula emkhatsini wemasimi akolo, akanye nebafundzi bakhe, besuka bona bafula.

Joshuwa 9:13

Lamadlelantfongeni etfu eliwayini abemasha, kodvwa ase niwabuke nyalo kutsi asadzabuke kanjani. Naletingubo tetfu netincabule tetfu setigugile ngenca yebudze balendlela.’ ”

Joshuwa 9:4

sakha licebo: Sahamba njengetitfunywa letichuba timbongolo letetfwele imitfwalo ngemasaka lasagugile nangemadlelantfongeni lamadzala lasadzabuka abuye achitjelwa.