Makho 12:36 - Siswati 1996 Bible Davide, agcwele Moya Longcwele, washo watsi: “ ‘INkhosi yatsi eNkhosini yami: “Hlala lapha ngesekudla sami, ngize ngibeke titsa takho ngaphansi kwetinyawo takho.” ’ |
Wababeketelela iminyaka leminyenti. Wabekhuta ngaMoya wakho ngekusebentisa baphrofethi bakho. Kodvwa noko abazange bakunake loko, ngako wabanikela esandleni setive letatibomakhelwane babo.
Simakadze watsi enkhosini yami: “Hlala lapha ngesekudla sami, ngize ngifake titsa takho ngaphansi kwetinyawo takho.”
nome ngemhlaba, ngobe usenabelo setinyawo takhe; ngisho nangeJerusalema, ngobe kulidolobha leNkhosi yemakhosi.
“Madvodza, bazalwane, umBhalo bewufanele ugcwaliseke njengekusho kwaMoya Longcwele, lowakhuluma kadzeni ngaDavide macondzana naJudasi, lowahola labo lababopha Jesu.
Ngako base bahamba baphikisana bodvwana, lapho Pawula asabeke inkhulumo letsi: “Maye, washo kahle Moya Longcwele nakakhuluma ngemphrofethi Isaya kubokhokho benu,
Ngobe Khristu kumele abuse, aze Nkulunkulu ancobe tonkhe titsa takhe atibeke ngephansi kwetinyawo takhe.
Yonkhe imiBhalo iphefumulelwe nguNkulunkulu; ilungele kufundzisa, nekusola, nekucondzisa, nekuyala ngekulunga,
Nkulunkulu akazange asho nakuyinye yetingilosi takhe kutsi: “Hlala lapha ngesekudla sami, ngize ngente titsa takho tibe senabelo setinyawo takho.”
Loku-ke Nkulunkulu ukukhombise ngekutsi akhetse lelinye lilanga lekutsiwa ngu “lamuhla”. Wakhuluma ngaDavide emvakweminyaka leminyenti, njengobe kubhaliwe, watsi: “Lamuhla, naniliva livi lami, ningatenti tibe lukhuni tinhlitiyo tenu.”
Moya waKhristu abesavele asebenta kubo abakhombisa tinhlupheko lebetitakwehlela Khristu; waphindze wabakhombisa nebukhosi lobebutawulandzela leto tinhlupheko. Babehlolisisa kutsi kuyakwenteka nini loko, nekutsi kuyakwenteka kanjani.
Kute siphrofetho lesake seta ngentsandvo yemuntfu; kodvwa bantfu bakhuluma lokukwaNkulunkulu, bachutjwa nguMoya Longcwele.