Lukha 9:39 - Siswati 1996 Bible

Kunemoya lomhlaselako ummemetise kakhulu, bese uba nesitfutfwane, aze akhihlite emagwebu emlonyeni; kumshumphisa kangangekutsi uze ehluleke ngisho nekuhamba, kulukhuni kuphuma kwawo.

Lukha 9:39 Referencias Cruzadas

Makho 9:18

Litsi lingambamba limlahle phansi, limkliklitise, akhihlite emagwebu, abhashe ematinyo, ome atsi nkhwa. Ngicele labafundzi bakho kutsi balikhiphe, kodvwa behlulekile.”

Makho 9:20

Bamletsa kuJesu lomfana. Lanelela kumbona nje lelidimoni, lamlahla phansi umfana, lamekhama, washumpha aphukuhla emagwebu emlonyeni.

Makho 9:26

Lidimoni latswilila, lamhlukumeta kamatima lomfana, laphuma kuye. Lomfana walala watsi dzalakaca, wafanana nesidvumbu. Labanyenti babo badzimate batsi: “Ufile.”

Lukha 4:35

Jesu wawekhuta lomoya watsi: “Thula! Phuma futsi kulomuntfu!” Lidimoni lamjika phansi embikwabo bonkhe, noko laphuma kuye lingakamlimati.

Lukha 8:29

Yayisho loko nje, ngobe Jesu abesawekhutile lomoya lomubi kutsi awuphume kuyo. Lomoya wase uyibambe kanyenti kwale nome seyibanjwe njengesiboshwa, yaboshwa tandla netinyawo ngetinketane. Yayitidzabula itilahle le, lelidimoni liyihambise iyewuhlala etsafeni.

Lukha 9:38

Kwase kumemeta indvodza emkhatsini waso itsi: “Mfundzisi, ase ungibonele nangu umsa wami, indvodzana yekuphela.

Lukha 9:40

Ngancenga bafundzi bakho kutsi bawukhiphe lomoya, kodvwa behluleka.”

Johane 8:44

Nine nibeyihlo Sathane. Nitsandza kwenta tinkhanuko teyihlo. Yena abevele angumbulali webantfu kusukela ekucaleni, akemi ecinisweni, ngobe liciniso kute kuye. Nakakhuluma emanga, ukhuluma intfo yakhe, ngobe ungumcambimanga neyise wawo onkhe emanga.

1 yaPhetro 5:8

Zitsani, nilindze. Sitsa senu, Sathane, siyajangaza emkhatsini wenu njengelibhubesi lelibhodlako, sitfungatsa lesingahle simmite.

Sembulo 9:11

Inkhosi yaso lesibusako bekuyingilosi yemgodzi longenamkhawulo. Libito layo ngesiHebheru ngu-Abadoni, ngesiGriki ngu-Apoliyoni.