Lukha 8:7 - Siswati 1996 Bible

Lenye yawela emanyeveni, yakhula kanye nawo, ase ayayiminyetela.

Lukha 8:7 Referencias Cruzadas

Genesisi 3:18

Uyawukuvetela emanyeva nelukhula, wena uyakudla lokumila esigangeni.

Jeremiya 4:3

Naku lokushiwo nguSimakadze emadvodzeni akaJuda newaseJerusalema, utsi: “Limani umhlaba wenu longakalinywa, ningahlanyeli nje ekhatsi emanyeveni.

Matewu 13:22

Kuhlanyelwa kwenhlanyelo emanyeveni kusho labalivako livi lembuso, kodvwa tinhlupheko macondzana nalemphilo nelutsandvo lwebunjinga kuyaye kuliminyetele livi bangabe basatsela titselo.

Matewu 13:7

Lenye inhlanyelo yawela emanyeveni, yamila; emanyeva akhula aminyetela titfombo.

Makho 4:7

Lenye yawela elukhuleni lwemanyeva, lwakhula lwaminyetela titfombo ngemanyeva alo tangabe tisatsela.

Lukha 21:34

“Ticaphelisiseni! Ningatifaki kakhulu emadzilini nasekunatseni lokudzakanako, nasekunakeni tintfo talomhlaba, funa lelo langa linitume;

Lukha 8:14

Kuhlanyelwa kwaleyo leyawela emhlabatsini losemanyeveni kusho labo labatsi sebalivile livi laNkulunkulu, kodvwa tinhlupheko nebunjinga, netinjabulo talomhlaba kubaminyetele batsele titselo letingavutfwa.

Lukha 8:6

Lenye yawela emhlabatsini losemadvwaleni, yashesha yamila, kodvwa yashesha yaphelelwa ngemandla yabuna, ngobe yayingenawo umhlabatsi lonemswakama.

Lukha 8:8

Lenye yawela emhlabatsini lovundzile, yamila, yatsela ngemakhulu.” Jesu wase utsi-ke: “Lonendlebe yekuva akeve!”