Lukha 7:19 - Siswati 1996 Bible Wabatfumela eNkhosini kuyawubuta kutsi: “Unguye yini lona lofanele kufika, nome kusafanele silindzele lomunye?” |
Ngitawubeka butsa emkhatsini wakho nemfati, nasemkhatsini wentalo yakho nentalo yemfati. Yona iyawufihlita inhloko yakho, wena uyawuluma sitsendze sayo.”
Bukhosi bungeke busuke esandleni saJuda. Titukulwane takhe tiyawubusa njalonjalo, tive tiyakwetfula kuye timlalele.
Kuyawuhluma lihlumela esiphuntini sakaJese; ligala lelimila etimphandzeni takhe liyawutsela titselo.
Ngako-ke, Nkulunkulu, yena cobo lwakhe, utawuninika sibonakaliso: Intfombi iyawukhulelwa itale indvodzana, yetsiwe libito kutsiwe ngu-Imanyuweli.
Simakadze utsi: “Betlehema Efratha, nome ungulomunye wemiti lemincane yakaJuda, kodvwa ngiyawuveta kuwe umbusi loyawubusa sive saka-Israyeli. Lusendvo lwakhe luyawusukela kulolo lwaluvele lukhona kwasekucaleni.”
Ngitawunyakatisa tonkhe tive, nako konkhe lokulangatelelwa tive tonkhe kutawufika, ngitawugcwalisa lendlu ngenkhatimulo,’ kusho Simakadze longuSomandla.
Jabula kakhulu, Ndvodzakati yaseSiyoni! Memeta ngekujabula, Ndvodzakati yaseJerusalema! Ase ubuke, inkhosi yakho ita kuwe, ilungile, futsi iphetse insindziso, ita itfobekile, igibele embongolweni, etikwelitfole lembongolo, inkhonyane yembongolo.
Kodvwa kini lenilesabako Libito lami, lilanga lekulunga liyawuphuma linekuphilisa etimphikweni talo. Niyawuphuma nitjakadvule njengemankhonyane lakhululwe etisingeni tawo.
Wabita bafundzi labali-12 watsi abete kuye. Wabatfuma ngababili, wabanika emandla ekukhipha imimoya lemibi kubantfu.
Ngemuva kwaloko iNkhosi yakhetsa labanye labangema-72, leyabatfuma ngababili kutsi bahambe ngembili kwayo bangene kuwo onkhe emadolobha netindzawo, lapho yayitawuhamba khona.
Ngalelinye lilanga Jesu abethandaza endzaweni letsite. Nasacedzile, lomunye webafundzi bakhe watsi kuye: “Nkhosi, sifundzise kuthandaza njengaJohane lowafundzisa bafundzi bakhe.”
Ngako iNkhosi yatsi: “Nine baFarisi, nigeza lingephandle lenkomishi nelipulede, kodvwa ngekhatsi nigcwele bumiti nebubi.
INkhosi yaphendvula yatsi: “Ngubani-ke losisebenti lesetsembekile nalesihlakaniphile lesiyawutfunywa kutsi sicize indlu yenkhosi kanye nekunika letinye tisebenti kudla lokutifanele nangesikhatsi lesifanele?
INkhosi yasiphendvula yatsi: “Nine batentisi! Lomunye wenu angete ayikhipha yini inkhabi nome imbongolo esibayeni ayeyinatsisa ngeliSabatha?
INkhosi yabaphendvula yatsi: “Kube beningaba nekukholwa lokungangenhlavu yendlulamitsi, beningatsi kulesihlahla: ‘Dzephuneka uyewumila elwandle!’ Besiyawunilalela.”
Zakewu wasukuma watsi eNkhosini: “Nkhosi, ngiyawukhipha incenye yalenginako ngenetise labaswele; futsi nakukhona lengimdlelele, ngitakubuyisela sekuphindvwe kane.”
INkhosi yagucuka yabuka Phetro, naPhetro wase uyawakhumbula emavi eNkhosi nayitsi: “Lamuhla lichudze lingakakhali, utabe sewushito katsatfu kutsi awungati.”
Nase befikile kuJesu, befika batsi: “Johane uMbhabhatisi usitfumile kutsi sitewubuta kutsi: ‘Unguye yini lona lotawufika, nome kusafanele silindzele lomunye?’ ”
LoMariya bekungulona lowagcobisa tinyawo teNkhosi ngemakha watesula ngetinwele takhe. LoLazaro labegula-ke bekungumnakabo.
Umfati watsi kuye: “Ngiyati kutsi Mesiya, lokutsiwa nguKhristu, utawufika. Nasefikile yena utakusitjela konkhe.”
Kodvwa letinye tikebhe lebetiphuma eThibheriyase, tefika edvutane naleyo ndzawo, lapho lesicumbi sasidlele khona tinkhwa emvakwekubonga kweNkhosi.
Joshuwa, umsa waNuni, wase utfumela tinhloli letimbili ngasense kusuka eShithimu, watsi: “Hambani niyewuhlola lela live, ikakhulu lidolobha laseJerikho.” Ngako-ke tahamba tefika khona, tangenisa endlini kaRahabi, ingwadla, tahlala khona.
Bofakazi bami lababili labembetse emasaka ngiyawubanika emandla ekuphrofetha emalanga layi-1 260.”