Lukha 6:22 - Siswati 1996 Bible

“Nibusisiwe, bantfu nabanitondza banishalatela ngekuninyembenya, banetfuka banigceke batsi anikalungi, ngenca yeNdvodzana yeMuntfu.

Lukha 6:22 Referencias Cruzadas

Isaya 65:5

bese batsi: ‘Suka, ungasondzeli kimi, ngobe ngingcwele kakhulu kunawe!’ Bantfu labanjalo bayintfutfu emakhaleni ami, umlilo lohlala uvutsa lilanga lonkhe.

Isaya 66:5

Vanini livi laSimakadze, nine lenitfutfumeliswa livi lakhe, utsi: “Bomnakenu labanitondzako banikhiphe inyumbazana ngenca yeLibito lami, batsite: ‘Akadvunyiswe Simakadze, kuze sitewubona injabulo yenu!’ Noko bayawutseleka ngelihlazo.

Matewu 10:18

Niyawumiswa embikwebabusi nemakhosi ngelibito lami, kuze kube bufakazi kubo nakubetive.

Matewu 10:22

Niyawutondvwa bantfu bonkhe ngenca yelibito lami; kodvwa lokhutsatelako kuze kubesekupheleni, uyawusindziswa.

Matewu 10:39

Lofuna kutfola imphilo yakhe, uyawulahlekelwa ngiyo; nalolahlekelwa yimphilo yakhe ngenca yami, uyakuyitfola.”

Lukha 20:15

Tamkhiphela ngephandle kwesivini tambulala.” Jesu wase uyabuta utsi: “Manje lomnikati walesivini uyakwente njani kuleticashi?”

Lukha 21:17

Wonkhe umuntfu uyawunitondza ngenca yelibito lami.

Lukha 6:21

Nibusisiwe nine lenilambile manje, ngobe niyakwesutsiswa. Nibusisiwe nine lenikhalako manje, ngobe niyawujatjuliswa.

Johane 12:42

Noko-ke labanyenti ngisho nakutiphatsimandla bakholwa kuJesu, kodvwa ngenca yekwesaba baFarisi abazange bafakaze ngako, ngobe bebangahle bancunywe esinagogeni.

Johane 16:2

Bayakunincuma emasinagogeni. Yebo, sikhatsi siyeta, lapho bayawunibulala, bacabange kutsi basebentela Nkulunkulu.

Johane 17:14

Ngibanikile livi lakho; live labatondza ngobe bangesibo belive, njengobe nami ngingesiye walelive.

Johane 7:7

Live lingeke linitondze nine, kodvwa mine liyangitondza, ngobe ngifakaza ngalo kutsi imisebenti yalo mibi.

Johane 9:34

Bayiphendvula batsi: “Wena watalelwa esonweni; wena futsi sewufundzisa tsine?” Base bayincuma esinagogeni labo.

Imisebenti yebaPhostoli 22:22

Bantfu babeloku balalele Pawula, waze wefika kuwo lamagama, kodvwa base bamemeta kakhulu batsi: “Msuseni! Umuntfu lonje akafuneki emhlabeni!”

Imisebenti yebaPhostoli 24:5

Sikhandze kutsi lomuntfu uyingoti, ngobe ususa tiphitsiphitsi emkhatsini wemaJuda wonkhe umhlaba, kantsi futsi ungumholi walelicembu lekutsiwa ngemaNazaretha.

Imisebenti yebaPhostoli 9:16

Mine ngekwami ngitamkhombisa konkhe lafanele ahlupheke ngako ngelibito lami.”

YaJakobe 1:12

Ubusisiwe umuntfu lociniselako ekulingweni; ngobe nasaphumelele ekuvivinyweni kwakhe, uyakwemukeliswa umchele wekuphila lowetsenjiswa yiNkhosi kulabo labayitsandzako.

1 yaPhetro 3:14

Kepha nangabe nihlushwa ngenca yekwenta lokulungile, nibusisiwe. Ningesabi muntfu, ningakhatsateki.