Lukha 6:14 - Siswati 1996 Bible

Simoni, lambita ngekutsi nguPhetro, nemnakabo labe ngu-Andreya, Jakobe naJohane, Filiphu naBhatalomewu,

Lukha 6:14 Referencias Cruzadas

Matewu 10:2

Nankha emabito ebaphostoli lababeli-12: Wekucala nguSimoni, lotsiwa nguPhetro, nemnakabo Andreya; Jakobe nemnakabo longuJohane, emadvodzana aZebedi;

Matewu 10:3

Filiphu naBhatalomewu; Tomase naMatewu, umtselisi; Jakobe, umsa wa-Alfiyose, naThadiyosi;

Matewu 4:18

Jesu asahamba ngaseLwandle lwaseGalile, wabona telamani letimbili letatibadwebi, Simoni labetsiwa nguPhetro, na-Andreya, umnakabo, babedweba tinhlanti ngelinetha.

Matewu 4:21

Asachubeka lapho, wabona letinye telamani letimbili, boJakobe naJohane, emadvodzana aZebedi, lababesesikebheni naZebedi, uyise, bachibela emanetha abo, wababita.

Makho 1:19

Jesu watsi nasachubachubekile, wakhandza boJakobe naJohane, emadvodzana aZebedi. Bebasesikebheni balungisa emanetha abo.

Makho 1:29

Base bayaphuma esinagogeni baya kaSimoni na-Andreya; bahamba naJakobe naJohane.

Makho 14:33

Watsatsa boPhetro, naJakobe, naJohane, wachubachubeka nabo. Wafikelwa ngumunyu nekudzabuka nekwesaba,

Makho 3:16

Naba-ke laba labali-12 labakhetsa: Simoni, lametsa watsi nguPhetro;

Makho 5:37

Jesu wesuka lapho wahamba; wabalela bonkhe kutsi bamlandzele, ngaphandle kwaboPhetro, naJakobe, naJohane, umnakaboJakobe.

Makho 9:2

Emvakwemalanga lasitfupha Jesu watsatsa boPhetro, naJakobe, naJohane, wenyukela nabo entsabeni lendze, baba bodvwana. Wagucuka lesinye simo bambukile.

Lukha 5:10

Kwaba ngiso sona leso nakuboJakobe naJohane, emadvodzana aZebedi. Jesu watsi kuSimoni: “Ungesabi, kusukela nyalo sewutawudweba bantfu.”

Lukha 5:8

Kodvwa Simoni Phetro abona loku, waguca ngemadvolo etinyaweni taJesu watsi: “Ncono usuke kimi, Nkhosi, ngobe mine ngingumuntfu losoni!”

Lukha 6:13

Ekuseni wabita bafundzi bakhe, wakhetsa baba li-12 kubo. Labo wababita ngekutsi baphostoli:

Lukha 6:15

Matewu naTomase, Jakobe umsa wa-Alfiyose, naSimoni labekatiwa ngekutsi ngumZelothi,

Johane 1:45

Filiphu watfola Nathanayeli, watsi kuye: “Simtfolile lowo labhala ngaye emtsetfweni Mosi kanye nebaphrofethi, Jesu waseNazaretha, umsa waJosefa.”

Johane 14:8

Filiphu watsi kuye: “Nkhosi, sibonise uYihlo, sitakweneliseka.”

Johane 6:5

Jesu watsi uphakamisa emehlo, wabona kutsi sicuku lesikhulu sita kuye, watsi kuFiliphu: “Labantfu sitabatsengela kuphi tinkhwa batewudla?”

Johane 6:8

Lomunye webafundzi bakhe, Andreya, umnakaboSimoni Phetro, watsi kuye:

Imisebenti yebaPhostoli 1:13

Sebefikile eJerusalema baya bangena endlini leyayisetulu lapho babengenise khona. BekuboPhetro, naJohane, naJakobe, na-Andreya, naFiliphu, naTomase, naBhatalomewu, naMatewu, naJakobe, umsa wa-Alfiyose, naSimoni labekatiwa ngekutsi ngumZelothi kanye naJudasi, umsa waJakobe.

Imisebenti yebaPhostoli 12:2

Wabulala Jakobe, umnakaboJohane, ngenkemba.

2 yaPhetro 1:1

Lencwadzi iphuma kuSimoni Phetro, inceku nemphostoli waJesu Khristu. Iya kini lenemukele kukholwa lokuligugu njengekwetfu. Nikwemukele ngekulunga kwaNkulunkulu neMsindzisi wetfu Jesu Khristu.