Lukha 5:29 - Siswati 1996 Bible

Levi wase wentela Jesu lidzili lelikhulu endlini yakhe, kwaba nebatselisi nebantfu labanyenti lababehleti nabo lapho.

Lukha 5:29 Referencias Cruzadas

Matewu 11:19

INdvodzana yeMuntfu yona yefika, yadla yanatsa, base batsi: ‘Ase nibheke, nansi indvodza! Simiti nemnatsi weliwayini, kantsi futsi ungumngani webatselisi netoni!’ Noko, kuhlakanipha kwaNkulunkulu kubonakala kuliciniso ngemiphumela yako.”

Matewu 5:46

Kambe nanitsandza labanitsandzako, ninamvuzo muni? Abenti njalo yini nebatselisi?

Matewu 9:10

Kwatsi Jesu asesendlini adla, batselisi labanyenti netoni letinyenti beta badla kanye naye nebafundzi bakhe.

Matewu 9:9

Jesu asengca lapho, wabona umuntfu, libito lakhe kunguMatewu, ahleti endzaweni yekutselisa, watsi kuye: “Ngilandzele!” Nembala wasukuma wamlandzela.

Makho 2:15

Jesu wase uyakudla ekhaya kaLevi. Batselisi labanyenti naletinye toni bebalandzela Jesu. Ngako-ke labanyenti babo bangena naye endlini kaLevi, badla naye kanye nebafundzi bakhe.

Lukha 15:1

Ngalelinye lilanga kwefika batselisi netilahlwa titewulalela Jesu.

Johane 12:2

Base bamentela kudla khona lapho. Mata abephakela kudla, Lazaro angulomunye walababedla naJesu.

1 kubaseKorinthe 10:27

Nangabe lomunye kulabangakholwa animema, nitsandza kuya, nibodla konkhe lakubeka embikwenu ningabuti lutfo ngenca yanembeza.