Lukha 24:32 - Siswati 1996 Bible

Babutana bodvwana batsi: “Angitsi sivele satsintseka etinhlitiyweni tetfu ngesikhatsi akhuluma asichazela imiBhalo endleleni?”

Lukha 24:32 Referencias Cruzadas

Tihlabelelo 104:34

Shangatsi kuzindla kwami kungamjabulisa, ngiyawutfokota kuSimakadze.

Tihlabelelo 39:3

Inhlitiyo yami yavutsa, yashisa ngekhatsi kwami, ngisacabanga ngizindla ngaloko, kwaphembeka umlilo kimi, ngadzimate ngakhuluma ngatsi:

Taga 27:17

Njengensimbi lelola lenye insimbi, kanjalo nebantfu bayahlakaniphisana.

Taga 27:9

Emakha nemafutsa lanuka kamnandzi ajabulisa inhlitiyo; kodvwa bungani sibili buyawuphakamisa umphefumulo.

Isaya 50:4

INkhosi Simakadze inginike lulwimi lolufundzisiwe, kuze ngati livi lekucinisa labamadvolo abo asaceka. Ungivusa njalo nje, ekuseni avuse indlebe yami itewulalela, njengemuntfu nakafundziswa.

Jeremiya 15:16

Emavi akho atsi nakefika kimi, ngawadla, aba yinjabulo yami nentfokoto yenhlitiyo yami, ngobe ngibitwa ngeLibito lakho, awu, Simakadze Nkulunkulu longuSomandla.

Jeremiya 20:9

Kodvwa nangitsi: “Ngingeke ngisambita, futsi ngeke ngisakhuluma egameni lakhe,” livi lakhe lisenhlitiyweni yami lishisa njengemlilo lovalelwe ematsanjeni ami. Sengidziniwe kulibandzetela ngekhatsi kimi, ngempela angisakhoni.

Jeremiya 23:29

“Livi lami alinjengawo yini umlilo? Kona alinjengaso yini sandvo, sona lesibhidlita lidvwala libe ticucu?” kusho Simakadze.

Makho 4:34

Abengakhulumi lutfo angasebentisi imifanekiso, kantsi nase babodvwana nebafundzi bakhe, bona abebachazela konkhe.

Lukha 24:45

Wase uvula tingcondvo tabo, kuze bacondzisise imiBhalo.

Johane 6:63

Lokunika imphilo nguMoya; inyama ayinamsebenti; emavi lengiwakhuluma kini anguMoya, futsi akuphila.

Imisebenti yebaPhostoli 28:23

Ngako-ke emaJuda amisa lilanga lekubonana naPawula. Ngalelo langa bantfu befika baba banyenti lapho bekuhlala khona Pawula. Kusukela ekuseni laze layawumbamba unina seloku afakaza ngekubachazela ngembuso waNkulunkulu. Wetama kubenelisa ngaJesu ngekubakhumbuta lokusemtsetfweni waMosi nangemiBhalo yebaphrofethi.

KumaHebheru 4:12

Livi laNkulunkulu liphilile, linemandla; likhalipha kwengca inkemba lesika ngetinhlangotsi totimbili. Lisika lidzimate lehlukanise umphefumulo nemoya, emalunga nemnkantja, lehlulele imicabango netifiso tenhlitiyo.