Lukha 22:53 - Siswati 1996 Bible

Nganginani onkhe emalanga ethempelini, anizange netame kungibopha. Kodvwa lesikhatsi senu nesemandla ebumnyama.”

Lukha 22:53 Referencias Cruzadas

Jobe 20:5

kutsi kujabula kwalababi kwesikhashana nje, nekutfokota kwalabangenaNkulunkulu kuba kwesikhashana nje.

Matewu 21:23

Jesu wabuyela ethempelini kuyawufundzisa, baphristi labakhulu netibondza temaJuda beta kuye bambuta batsi: “Loku ukwenta ngamaphi emandla? Kona ngubani lona lokunike lamandla?”

Lukha 22:52

Jesu watsi kubaphristi labakhulu kanye netiphatsimandla tebalindzi belithempeli netibondza letatite kutembamba: “Niteleni la netinkemba netagila, kube sengatsi ngisigebengu?

Lukha 22:54

Base bayambopha Jesu bamtsatsa bamfaka endlini yemPhristi Lomkhulu; Phetro abelandzela khashane ngemuva.

Johane 12:27

“Manje inhlitiyo yami ilusizi. Ngitawutsini nje? Ngitsi: ‘Babe, ngisindzise kulomzuzu’? Cha, phela lapha emhlabeni ngetela lomzuzu.

Johane 13:30

Judasi watsi kube alwemukele lolucetu lwesinkhwa, waphuma ngekushesha. Bekungusebusuku.

Johane 14:30

Angisenakukhuluma kabanti nani, ngobe nangu umbusi walelive aseta, akanamandla etikwami.

Johane 7:30

Ngako base bafuna kumbamba, kodvwa kute lowake wambeka sandla, ngobe sikhatsi sakhe sasisengakefiki.

Johane 7:45

Tinceku tancandzeka tabuyela kubaphristi nebaFarisi, bona bafike batsi: “Yini ningakamletsi la kitsi?”

Imisebenti yebaPhostoli 26:18

Utawuvula emehlo abo, kuze besuke ebumnyameni bagucukele ekukhanyeni besuke nasemandleni aSathane baye kuNkulunkulu, kuze batsetselelwe tono tabo babelwe nendzawo emkhatsini walabahlantwe ngekukholwa kimi.’ ”

Kubase-Efesu 6:12

Ngobe asilwi nebantfu, kodvwa silwa netikhulu temimoya, nemandla, nebabusi bendalo yalobumnyama, nemabutfo abomoya lababi labasemkhatsini.

KubaseKholose 1:13

Wasikhulula emandleni ebumnyama, wasibeka embusweni weNdvodzana yakhe letsandzekako.