Lukha 21:19 - Siswati 1996 Bible

Ciniselani ngekubeketela kwenu, niyawutisindzisa ngaloko.”

Lukha 21:19 Referencias Cruzadas

Tihlabelelo 37:7

Thula embikwaSimakadze, umlindzele ngesineke. Ungahawukeli kumuntfu lonotsa ngebucili bakhe.

Tihlabelelo 40:1

Lusito lwaNkulunkulu ngalulindzela ngesineke, wavula indlebe yakhe, wakuva kuncusa kwami.

Habakhuki 3:16

Ngeva, nenhlitiyo yami yabhakuta, netindzebe temlomo wami tavevetela ngalomsindvo, kubola kwakhasabela ematsanjeni ami, imilente yami yachachatela. Noko ngiyakulilindzela ngekubeketela lilanga lesehlakalo leliyawusifikela sive lesisihlasele.

Matewu 10:22

Niyawutondvwa bantfu bonkhe ngenca yelibito lami; kodvwa lokhutsatelako kuze kubesekupheleni, uyawusindziswa.

Matewu 24:13

Kodvwa lowo loyawubambelela kuze kube ngusekupheleni, uyawusindziswa.

Lukha 8:15

Kuhlanyelwa kwaleyo leyawela emhlabatsini lovundzile kufanekisa labo labalivako livi laNkulunkulu baligcine ngekutitfoba lokukhulu babeketele, baze batsele titselo letihle.”

KubaseRoma 15:4

Konkhe kwasendvulo lokusemBhalweni kwabhalelwa kufundzisa tsine, kuze sibe nelitsemba lelingumphumela wekubeketela newekucinisela lesikutfola kulowo mBhalo.

KubaseRoma 2:7

Labanye bantfu bachubeka benta lokuhle, bafuna tibusiso, neludvumo nekuphila lokungabhubhi; labo-ke Nkulunkulu uyawubanika kuphila lokuphakadze.

KubaseRoma 5:3

Ngetulu kwaloko siyabonga nasetinhluphekweni tetfu, ngobe siyati kutsi tinhlupheko tiveta kubeketela.

KubaseRoma 5:4

Kubeketela kuveta kuciniseka, kuciniseka kudala litsemba.

KubaseRoma 8:25

Kodvwa nasetsemba loko lesingakuboni, sikulindzela ngekubeketela.

1 kubaseThesalonika 1:3

kuNkulunkulu wetfu, longuBabe, sikhumbula imisebenti yenu yekukholwa, nemisiphalato yelutsandvo, nekubambelela kwenu etsembeni leliseNkhosini yetfu Jesu Khristu.

2 kubaseThesalonika 3:5

Shangatsi iNkhosi ingacondzisa tinhlitiyo tenu elutsandvweni lwaNkulunkulu nasekubeketeleni kwaKhristu.

KumaHebheru 10:36

Nidzinga kucinisela kuze kutsi nase nente intsandvo yaNkulunkulu, nitekwemukela loko lokwatsenjiswa nguye.

KumaHebheru 6:11

Sifisa shangatsi ngulowo nalowo kini angakhombisa loko kushisekela, nekuciniseka etsembeni lenu, kuze kube ngusekugcineni.

KumaHebheru 6:15

Abrahama wabeketela, ngako wemukela setsembiso.

YaJakobe 1:3

nati kutsi kuvivinywa kwekukholwa kwenu kuveta kucinisela.

YaJakobe 1:4

Kucinisela kumele kucedzela umsebenti wako, kuze nivutfwe niphelele ningenasici, ningehlulwa lutfo.

2 yaPhetro 1:6

nasekwatini nengete kutitsiba, nasekutitsibeni nengete kukhutsatela, nasekukhutsateleni nengete kumesaba Nkulunkulu,

Sembulo 1:9

Mine Johane, umzalwane wenu, nginesabelo kanye nani kuJesu ekuhlushweni, nasebukhosini, nasekuciniseleni. Ngangisesichingini, lesibitwa ngekutsi yiPhatmose, ngenca yekushumayela livi laNkulunkulu ngekufakaza ngaJesu.

Sembulo 13:10

Nakukhona lofanele kutfunjwa, akatfunjwe; nakukhona lofanele kubulawa ngenkemba, akabulawe ngayo. Loku kubita kucinisela nekukholwa kwalabangcwele.

Sembulo 14:12

Loku kubita kucinisela kwalabangcwele, labo labagcina imiyalo yaNkulunkulu nekukholwa nguJesu.

Sembulo 3:10

Njengobe uligcinile livi lami lekucinisela ngekubeketela, ngitakugcina ngesikhatsi sekulingwa lesitawufika emhlabeni wonkhe, sitewulinga bonkhe labo labahlala emhlabeni.