Lukha 20:47 - Siswati 1996 Bible

tidla tindlu tebafelokati, bese titentisa ngekuthandaza imithandazo lemidze. Tiyakwemukela sijeziso lesikhulu.”

Lukha 20:47 Referencias Cruzadas

Isaya 10:2

bentele kwemuka labamphofu emalungelo abo, badlelele bantfu bami labacindzetelekile emalungelo abo emtsetfocotfo, batsatse imphango kubafelokati, badlelele labangenaboyise.

Hezekeli 22:7

Kuwe tikhulu tabaphatsa kabi boyise, nabonina tabedzelela; ekhatsi kuwe tabacindzetela betive, taphatsa kabi intsandzane nemfelokati.

Hezekeli 33:31

Bantfu bami beta kuwe, njengobe bavame kwenta, bahlale embikwakho balalele emavi akho, kodvwa abawenti. Ngemilomo yabo bakhuluma kutsi batinikele, kodvwa tinhlitiyo tabo tibukhali, tifuna inzuzo lembi.

Amose 2:7

Bagcobagcoba tinhloko talabamphofu kube shangatsi bagcobagcoba lutfuli lwemhlaba, bese kutsi labacindzetelwe bangababoneleli. Indvodza nemsa wayo balala nentfombatana yinye, ngaloko bahlazise Libito lami lelingcwele.

Mikha 2:2

Nabafuna emasimi, bavele bawatsatse ngendlovuyangena; nabafuna tindlu, bavele batidle. Kute namunye lonemndeni lovikelekile, nome lonelutfo loluphephile.

Mikha 2:8

Simakadze waphendvula watsi: “Itolo loku sive sami sisukume phansi njengesitsa. Nihlubula tembatfo letinhle tebunjinga kulabo labendlulako, banganaki njengemabutfo labuya emphini.

Mikha 3:2

kodvwa esikhundleni saloko nitondza kulunga, nitsandze lokubi. Nihlinza bantfu bami, nihlube inyama yabo ematsanjeni abo.

Matewu 23:13

“Maye kini, bafundzisi bemtsetfo nebaFarisi! Batentisi! Nivimbela bantfu umbuso welizulu, nibe nine ningangeni, nebantfu labafuna kungena anibavumeli kutsi bangene. [

Matewu 23:14

“Maye kini, bafundzisi bemtsetfo nebaFarisi! Batentisi! Ngobe nidla tindlu tebafelokati, nangekutentisa nenta imithandazo lemidze. Ngako niyakwemukeliswa kulahlwa lokukhulu.]

Makho 12:40

Tidla tindlu tebafelokati, titentise ngekuthandaza imithandazo lemidze. Tiyakwemukela sijeziso lesikhulu.”

Lukha 12:1

Tatsi lapho ticumbi tebantfu tisondzela madvutane, bantfu banyatselana ngenca yebunyenti, Jesu wase utsi kubafundzi bakhe kucala: “Caphelani imvubelo yebaFarisi yekutentisa.

Lukha 20:46

“Caphelani tati temtsetfo, letihamba tigcoke imijiva yato, titsandza kubingelelwa ngenhlonipho etindzaweni temibutsano, titsandza tihlalo letisembili emasinagogeni, netindzawo letiphakeme emadzilini;

Lukha 21:1

Jesu abebukela tinjinga tibeka iminikelo ebhokisini leminikelo yelithempeli,

1 kubaseThesalonika 2:5

Tsine asizange sikhulume emagama ekuyenga, njengobe nani nati, asizange futsi sibe nebucili bekufisa bunjinga, Nkulunkulu ungufakazi.

kuThithusi 1:16

Bavuma ngemlomo kutsi bayamati Nkulunkulu, kepha ngetento tabo bayamphika; bayenyanyeka, abalaleli, bayehluleka kwenta nome ngabe yini lenhle.

YaJakobe 3:1

Bazalwane bami, akukuhle kutsi linyenti lenu libe bafundzisi, nati kutsi tsine lesifundzisako siyakwemukeliswa kwehlulelwa lokumatima.