Lukha 15:22 - Siswati 1996 Bible

Kepha uyise wabita tisebenti watsi: ‘Phangisani niletse ingubo lenhle niyembatsise, niyifake nendandatho emnweni wayo, neticatfulo etinyaweni.

Lukha 15:22 Referencias Cruzadas

Genesisi 41:42

Faro wakhipha indandatho yakhe esandleni sakhe, wayifaka esandleni saJosefa; wamembatsisa ingubo yelineni lecolisakele, wamegabisa buhlalu begolide entsanyeni.

Esta 3:10

Inkhosi yakhumula indandatho yayo leyayineluphawu lwekugcoba simemetelo lesiphuma enkhosini, yayinika lesitsa semaJuda, Hamani, umsa waHamedatha, umtukulu wa-Agagi.

Esta 8:2

Inkhosi yakhumula indandatho yayo leneluphawu lwayo, yona leyo labeyinike Hamani, wase uyinika Modekhayi. Esta wanika Modekhayi lilungelo lekuphatsa tonkhe timphahla bekutaHamani.

Tihlabelelo 132:16

Baphristi bayo ngiyawubembatsisa ngensindziso, labangcwele bayo bahlabele ngekujabula.

Tihlabelelo 132:9

Baphristi bakho abembatse kulunga, labangcwele bakho bahlabele ngekwetsaba.

Tihlabelelo 18:33

Wenta tinyawo tami tibe lula njengetenyamatane, angente ngiphephele ekuphakameni.

Tihlabelelo 45:13

Kucwebetela kodvwa lokusesigodlweni, inkhosatana yembetse tingubo letelukwe ngegolide.

Ingoma Yetingoma 7:1

Maye, tinhle tinyawo takho kuleto tincabule tato, awu, ndvodzakati yemntfwanenkhosi! Ematsanga akho atindingilizi njengemachuzu, umsebenti wesandla sachwephesha.

Isaya 61:10

Ngiyajabula kakhulu ngaSimakadze; umphefumulo wami uyajabula ngaNkulunkulu wami. Ngobe ungembatsise ngetingubo tensindziso, wangihlobisa ngemjiva wekulunga, njengemyeni ahlobisa inhloko yakhe njengemphristi, nanjengamakoti lotihlobise ngebuhlalu bakhe.

Lukha 15:21

Lendvodzana yatsi kuyise: ‘Babe, ngonile kuNkulunkulu nakuwe, angisafanele nekutsi ngibitwe ngekutsi ngiyindvodzana yakho.’

Lukha 15:23

Nifune litfole lelihle lelikhuluphele nilihlabe sitewudla sijabule.

KubaseRoma 13:14

kodvwa yembatsani iNkhosi Jesu Khristu ninganakekeli kutsi lesimo senu semtimba lesonakele ningasenelisa kanjani ngetinkhanuko taso.

KubaseRoma 3:22

Nkulunkulu wenta kutsi bonkhe labakholwako balungelane naye ngekukholwa kwabo nguJesu Khristu, bonkhe ngalokufananako.

KubaseRoma 8:15

Ngobe anemukelanga umoya webugcili wekutsi nibuye nesabe, kodvwa nemukela Moya losenta emadvodzana, sikhulume ngaye kuNkulunkulu sitsi: “Babe! Babe wami!”

KubaseGalathiya 3:27

Nine nonkhe nabhajatiselwa kuKhristu, ngako-ke senembetse Khristu.

Kubase-Efesu 6:15

tinyawo tenu tigcokiswe kulungela kushumayela liVangeli lekuthula.

Dutheronomi 33:25

Imicabo yemasango akho iyawuba ngeyensimbi neyelitfusi, nemandla akho alingane nemalanga akho.

Sembulo 19:8

Uphiwe kutsi embatsiswe ingubo yelineni lecolisakele, nalekhanyako, nalemsulwa.” Lelineni lecolisakele itento nemisebenti lelungile yalabangcwele.

Sembulo 2:17

“ ‘Lowo lonendlebe akeve loko lokushiwo nguMoya emabandleni! “ ‘Loncobako ngiyawumnika lokukwemana lefihliwe, ngiphindze ngimnike litje lelimhlophe, nelibito lelisha, lelibhalwe etjeni, lelingatiwa ngumuntfu ngaphandle kwalowo lolemukelako.’ ”

Sembulo 3:18

Ngako-ke ngiyakuyala kutsi utsenge kimi igolide lelolongwe ngemlilo, khona utewuceba, utsenge tingubo letimhlophe tekwembatsa, khona utewufihla bungcunu bakho kutsi bungabonakali, utsenge nemutsi wekugcobisa emehlo akho kutsi ubone.

Sembulo 6:11

Ngamunye ngamunye wabo wase unikwa ingubo lemhlophe; batjelwa kutsi ase baphumule kancane, kuze kuphelele linani lalababetinceku kanye nabo nebazalwane babo, lababesetawubulawa njengabo.

Sembulo 7:9

Emvakwaloko ngatsi ngiyabuka ngabona sicumbi lesikhulu sebantfu lesingeke sibalwe ngumuntfu. Kwakubantfu lababephuma etiveni tonkhe, nasemindenini yonkhe, nasemaveni onkhe, nasetilimini tonkhe. Babeme embikwesihlalo sebukhosi nasembikweliWundlu, bembetse tingubo letimhlophe, etandleni baphetse emagala elisundvu.